Թուրքիայի համար նախատեսված F-35 կործանիչները փորձնական թռիչք են կատարել

Տարածաշրջան06:30, 21 Հունիս 2018

Թուրքիայի համար նախատեսված F-35 կործանիչները փորձնական թռիչք են կատարել

Չնայած ԱՄՆ-ի սենատի անհամաձայնությանը՝ Թուրքիան, այնուամենայնիվ, կստանա ամերիկյան արտադրության նոր սերնդի F-35 կործանիչների առաջին խմբաքանակը։

Ռազմական այդ ինքնաթիռների արտադրությամբ զբաղվող «Lockheed Martin» ընկերությունը հունիսի 21-ին Տեխաս նահանգում ներկայացնելու է Թուրքիայի համար նախատեսված կործանիչները: Մատակարարման առաջին փուլով հունիսի 21-ին Թուրքիան կստանա երկու հատ F-35 կործանիչ, որոնք շահագործելու նպատակով ԱՄՆ-ում թուրք օդաչուների համար հատուկ կուրսեր կանցկացվեն։ Նրանք մինչև 2019թ․ կմնան ԱՄՆ-ում, որպեսզի համապատասխան գիտելիքներ և ունակություններ ձեռք բերեն։

Թուրքիայի համար նախատեսված F-35 կործանիչները փորձնական թռիչքներ են իրականացրել Տեխասում։ Փորձնական թռիչքի ժամանակ արված լուսանկարները հայտնվել են համացանցում:

Թուրքական աղբյուրը հիշեցնում է, որ դրանց մյուս խմբաքանակի մատակարարումը կարող է չեղարկվել միայն այն դեպքում, եթե ԱՄՆ-ի նախագահը վավերացնի Թուրքիայի դեմ պատժամիջոցներ սահմանող սենատի օրինագիծը։

Հիշեցնենք, որ ԱՄՆ-ի սենատի օրինագծով պահանջվում էր չեղարկել F-35-ների, ինչպես նաև մի շարք ռազմական ուղղաթիռների մատակարարումը Թուրքիային։

Աղբյուր` Turkiyegazetesi

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։