Թուրքիայում ընտրություններից 3 օր առաջ անցկացված սոցհարցման արդյունքները

Քաղաքական09:55, 22 Հունիս 2018

Թուրքիայում ընտրություններից 3 օր առաջ անցկացված սոցհարցման արդյունքները

Թուրքիայում հունիսի 24-ին կայանալիք խորհրդարանական և նախագահական ընտրությունների նախօրեին «ORC» հետազոտական կազմակերպության կողմից անցկացվել է հերթական սոցհարցումը:

Հունիսի 17-19-ին երկրի 36 նահանգներում, 4 հազար 250 ընտրողի շրջանում անցկացված հարցման արդյունքների համաձայն, իշխող «Արդարություն և զարգացում» կուսակցության (ԱԶԿ-AKP) ղեկավար, ներկայիս նախագահ Ռեջեփ Թայիփ Էրդողանը սպասվում է, որ կվերընտրվի:

Հարցվածների 52.7 %-ը հայտնել է, որ նախագահական ընտրություններում քվեարկելու է Էրդողանի օգտին, 29,2 %-ը` «Ժողովրդահանրապետական կուսակցության» (ԺՀԿ-CHP) կողմից առաջադրված Մուհարրեմ Ինջեի, իսկ 8.6 %-ը` «Լավ» (İYİ Parti) կուսակցության թեկնածու Մերալ Աքշեների օգտին:

Հարցման մասնակիցների 54 %-ը ասել է, որ խորհրդարանական ընտրություններում քվերակելու է «Ժողովրդական դաշինքի» (Cumhur İttifakı) օգտին, որի մեջ մտնում է իշխող ԱԶԿ-ն և ազգայնական, ծայրահեղ աջ կողմնորոշում ունեցող «Ազգայնական շարժում» կուսակցությունը (ԱՇԿ-MHP)։ Իսկ ընդդիմադիր կուսակցությունների ձևավորած «Ազգի դաշինքը»-ը (Millet İttifakı) սպասվում է, որ կստանա 32 % քվե:

Ուշագրավ է, որ այս հարցման արդյունքներով ակնկալվում է, որ քրդամետ «Ժողովուրդների դեմոկրատական կուսակցությունն» (ԺՀԿ-HDP) ավելի շատ ձայն կհավաքի (11.9%), քան «Ազգայնական շարժում կուսակցությունը» (ԱՇԿ-MHP) (10.5%):

Աղբյուր` Sondakika.com.tr

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։