Թուրքիայի Շանլըուրֆա նահանգում դիտորդներին ծեծել են և ստիպել հեռանալ ընտրատեղամասերից

Քաղաքական15:02, 24 Հունիս 2018

Թուրքիայի Շանլըուրֆա նահանգում դիտորդներին ծեծել են և ստիպել հեռանալ ընտրատեղամասերից

Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) պատգամավոր Մուրաթ Էմիրը ահազանգել է, որ իրենց կուսակցության դիտորդներին թույլ չեն տվել մուտք գործել ընտրատարածքներ։

Էմիրի խոսքով՝ հունիսի 24-ի առավոտյան ԺՀԿ-ն ներկայացնող դիտորդները այցելել են Շանլըուրֆայի դպրոցներում տեղակայված ընտրատեղամասեր։ Սակայն նրանց թույլ չեն տվել ներս մտնել, իսկ ովքեր, այնուամենայնիվ, ներս են մտել, ծեծի են ենթարկվել ու հարկադրված են եղել լքել տարածքը։

Ընդդիմադիր պատգամավորը տեղեկացրել է, որ նմանատիպ միջադեպերի պատճառով ԺՀԿ-ն ներկայացնող դիտորները ստիպված են եղել հեռանալ Շանլըուրֆայի Էյուբիե, Հալլիե և մի շարք այլ գյուղերից։

Մուրաթ Էմիրը իրավիճակի հետ կապված անձամբ դիմել է Շանլըուրֆայի նահանգապետին, ով խոստացել է զբավել խնդրի լուծմամբ, սակայն որևէ քայլ չի ձեռնարկել։ ԺՀԿ-ական պատգամավորը նշել է, որ իրենք միջադեպերի առթիվ համապատասխան արձանագրություններ են կազմել և բողոքներ կներկայացնեն։

Աղբյուր` yurtgazetesi.com.tr

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։