Թուրքիայի նախագահական ընտրություններում Պուտինի օգտին քվեարկող է եղել

Հասարակական08:28, 25 Հունիս 2018

Թուրքիայի նախագահական ընտրություններում Պուտինի օգտին քվեարկող է եղել

Հունիսի 24-ին անցկացված ընտրություններում Թուրքիայի մի քաղաքացի իր ձայնը տվել է Ռուսաստանի նախագահ Վլադիմիր Պուտինին:

Անթալիայի Մանավգաթ շրջանում 159.121 ընտրողներից մեկը Թուրքիայի նախագահի պաշտոնում ցանկացել է տեսնել Ռուսաստանի նախագահին: Քաղաքացին քվեաթերթիկի վրա գրել է Պուտինի անունը և հաստատել «այո» նշումով: Քվեաթերթիկը հաշվող հանձնաժողովի կողմից այն ճանաչվել է անվավեր:

Այդ տեղամասում հաշվվել է 329 վավեր քվեաթերթիկ, որոնցից 150-ը գրանցվել է գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) թեկնածու Մուհարրեմ Ինջեի, 111-ը՝ գործող նախագահ Ռեջեփ Թայիփ Էրդողանի, 51-ն՝ ընդդիմադիր ազգայնական «Լավ» կուսակցության առաջնորդ Մերալ Աքշեների, 11-ը՝ քրդամետ «Ժողովուրդների դեմոկրատական կուսակցության» (HDP-ԺԴԿ) նախկին համանախագահ Սելահաթթին Դեմիրթաշի, 3-ը՝ «Երջանկություն» կուսակցության թեկնածու Թեմել Քարամոլլաօղլուի օգտին:

Հիշեցնենք, որ Թուրքիայում անցկացվել են նախագահական և խորհրդարանական արտահերթ ընտրություններ: Նախագահի պաշտոնում, ըստ նախնական հաշվարկների, 52.6 տոկոս ձայնով վերընտրվել է Էրդողանը, որին շնորհավորել է նաև գլխավոր մրցակից Մուհարրեմ Ինջեն:

Խորհրդարանական ընտրություններում հաղթել է իշխող «Արդարություն և զարգացում կուսակցության» (AKP-ԱԶԿ) և «Գորշ գայլեր» ահաբեկչական խմբավորման քաղաքական թևը համարվող «Ազգայնական շարժում կուսակցության» (MHP-ԱՇԿ) ձևավորած դաշինքը: Նշյալ կուսակցությունները նախնական հաշվարկներով ստացել են համապատասխանաբար 42.5 և 11.1 տոկոս ձայն, ընդհանուր՝ 53.7 տոկոս:

Աղբյուր` Haberrus

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։