Ըստ ԵԽ-ի՝ Թուրքիայում արտահերթ ընտրություններն անցել են վախի մթնոլորտում

Քաղաքական09:34, 25 Հունիս 2018

Ըստ ԵԽ-ի՝ Թուրքիայում արտահերթ ընտրություններն անցել են վախի մթնոլորտում

Եվրախորհրդարանի` (ԵԽ) Թուրքիայի հարցերով զեկուցող Քեթի Փիրին անդրադարձել է Թուրքիայում տեղի ունեցած արտահերթ և խորհրդարանական ընտրություններին։

«Այս ընտրությունները կազմակերպվել են անբարենպաստ պայմաններում։ Մարդկանց վախեցրել են»,- նկատել է Փիրին։

Նա, խոսելով եվրաինտեգրման շուրջ Թուրքիայի հետ բանակցությունների հեռանկարների մասին, ասել է որ առայժմ Եվրախորհրդարանը չի մտածում դրանք կասեցնելու մասին։ Ի դեպ, վերջին շրջանում Թուրքիայում ներքաղաքական լարված իրավիճակի պատճառով լարվել էին նաև Անկարայի և Եվրամիության հարաբերությունները:

Փիրին զգուշացրել է, որ իրենք կարևորություն են տալիս ոչ միայն Թուրքիայի նախագահ Ռեջեփ Թայիփ Էրդողանին, այլև Թուրքիայում գործունեություն ծավալող այլ քաղաքական ուժերի ներկայացուցիչներին և նրանց հետ կապը մշտապես պահպանում են։

Հիշեցնենք, որ հունիսի 24-ին կայացած ընտրությունների ոչ պաշտոնական տվյալներով՝ Թուրքիայի նախագահ Ռեջեփ Թայիփ Էրդողանը վերընտրվել է իր պաշտոնում, իսկ նրա ղեկավարած «Արդարություն և զարգացում» (ԱԶԿ-AKP) կուսակցությունը հաղթել է խորհրդարանական ընտրություններում։

Աղբյուր` Takvim

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։