Շվեդիան հույս ունի, որ ընտրություններից հետո ԵՄ-Թուրքիա հարաբերությունները կկարգավորվեն

Քաղաքական13:14, 25 Հունիս 2018

Շվեդիան հույս ունի, որ ընտրություններից հետո ԵՄ-Թուրքիա հարաբերությունները կկարգավորվեն

Շվեդիայի արտգործնախարար Մարգոթ Վալլստրոմը հույս է հայտնել, որ Թուրքիայում տեղի ունեցած արտահերթ ընտրություններից հետո պաշտոնական Անկարան կկարգավորի հարաբերությունները Եվրամիության հետ։

Բայց դրա հետ մեկտեղ շվեդացի պաշտոնյան հիշեցրել է, որ Թուրքիայում դեռևս պահպանվում է անկայուն ներքաղաքական իրավիճակը։

«Վերջին շրջանում Թուրքիան կանգնած է վտանգի առջև։ Ընդդիմադիր ուժերի առաջնորդները երկար ժամանակ բանտում են գտնվում։ Թուրքիան խնդիրներ ունի տնտեսության և քրդերի հետ։ Այդ երկրում տեղի ունեցող իրադարձությունները մեզ մտահոգում են։ Մենք հույս ունենք, որ Թուրքիայում վերջ կդրվի արտակարգ դրությանը և կիրականացվեն բարեփոխումներ։ Այնտեղ այս պահին ժողովրդավարությունը չի զարգանում»,-ասել է Շվեդիայի արտգործնախարարը։

Հիշեցնենք, որ հունիսի 24-ին կայացած ընտրությունների ոչ պաշտոնական տվյալներով՝ Թուրքիայի նախագահ Ռեջեփ Թայիփ Էրդողանը վերընտրվել է իր պաշտոնում, իսկ նրա ղեկավարած «Արդարություն և զարգացում» (ԱԶԿ-AKP) կուսակցությունը հաղթել է խորհրդարանական ընտրություններում։

Աղբյուր` Sputnik.com.tr

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։