Ռուս քաղաքագետ. «Ընտրություններում Էրդողանի հաղթանակը վատ լուր է Հայաստանի համար»

Քաղաքական09:40, 28 Հունիս 2018

Ռուս քաղաքագետ. «Ընտրություններում Էրդողանի հաղթանակը վատ լուր է Հայաստանի համար»

Ռուս քաղաքագետ Եվգենի Միխայլովը հայտարարել է, որ հունիսի 24-ին Թուրքիայում տեղի ունեցած նախագահական ընտրություններում Էրդողանի հաղթանակը վատ լուր է ոչ միայն Արևմուտքի, այլև Հայաստանի համար:

Ռուսական «Sputnik» գործակալության ադրբեջանական ծառայության հետ զրույցում Միխայլովն ասել է, որ Հայաստանի թիվ մեկ անհանգստությունն Արցախի հարցում Թուրքիայի՝ Ադրբեջանին ցուցաբերած աջակցությունն է: Ըստ ռուս քաղաքագետի՝ Հայաստանը մտավախություն ունի, որ Էրդողանը կարող է ազդել Մոսկվայի վրա՝ վերջինիս դրդելով Արցախի հարցում ադրբեջանամետ դիրքորոշում որդեգրել:

Ըստ ռուս մասնագետի՝ ԱՄՆ-ը և Արևմուտքը, հետևելով Էրդողանի հնարավոր պարտության մասին տարածվող լուրերին, հույս ունեին, որ նշյալ սցենարի դեպքում Թուրքիան կմտներ անորոշության ու քաոսի շրջափուլ, սակայն այդ սպասելիքները չարդարացան:

Միխայլովը պատահական չի համարել, որ ընտրվելու կապակցությամբ Էրդողանին առաջիններից մեկը շնորհավորել է ՌԴ նախագահ Վալադիմիր Պուտինը:

Հիշեցնելով տնտեսական, էներգետիկ և ռազմական ոլորտներում Մոսկվայի և Անկարայի սերտ համագործակցության մասին՝ Միխայլովն ասել է. «2 երկրները առաջիկա տարիներին կարող են ամրապնդել միջազգային հարթակներում իրենց համագործակցությունը և շատ հարցերում համակարգված գործողություններ իրականացնել»:

Աղբյուր` Ermenihaber.am

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։