Թուրքիայի ավելի քան 6 մլն քաղաքացի բնակվում է արտերկրում

Հասարակական08:20, 02 Հուլիս 2018

Թուրքիայի ավելի քան 6 մլն քաղաքացի բնակվում է արտերկրում

Թուրքիայի արտգործնախարարության պաշտոնակայքում տեղ գտած տեղեկությունների համաձայն՝ Թուրքիայի ավելի քան 6 մլն քաղաքացի բնակվում է արտերկրում։ Նրանցից շուրջ 5 միլիոնը ապրում է եվրոպական երկրներում, մյուսները՝ Հյուսիսային Ամերիկայում, Ասիայում, Մերձավոր Արևելքում և Ավստրալիայում։

Աշխատանք գտնելու նպատակով Թուրքիայից դեպի եվրոպական երկրներ արտագաղթը ակտիվ է եղել հատկապես 1960-1974թթ․։ Այդ հանգամանքով պայմանավորված՝ նշված ժամանակահատվածում Թուրքիան Գերմանիայի, Ավստրիայի, Բելգիայի, Հոլանդիայի, Ֆրանսիայի հետ կնքել է պայմանագրեր, որոնք թույլ էին տալիս Թուրքիայից մեկնած գաղթականներին աշխատել այդ երկրներում։ 1974թ․ հետո Թուրքիայից աշխատանքային արտագաղթի ուղղությունը փոխվել է դեպի Հյուսիսային Աֆրիկայի, Միջին Արևելքի, Պարսից ծոցի և ԽՍՀՄ երկրներ, այնուհետև նաև՝ Ռուսաստանի Դաշնություն։

Վիճակագրության համաձայն՝ 2017թ․ մայիսից մինչև 2018թ․ մայիսն ընկած ժամանակահատվածում աշխատանքի նպատակով Թուրքիայից մեկնել է 9․780 քաղաքացի։ Նրանց ընդունող երկրները հիմնակնում եվրոպական և ասիական երկրներն են, իսկ ամենապահանջված աշխատանքային ոլորտներն են շինարարությունը, սպասարկման ոլորտը, տեքստիլ արդյունաբերությունը։

Թուրքիայից աշխատանքային էմիգրանտներն (տարագիրներ) ամենից հաճախ մեկնում են Եվրոպա։ Այս աշխարհամասում 2018թ․ դրությամբ 1 մլն 39․281 աշխատանքային էմիգրանտ կա։ Ամերիկայում Թուրքիայից մեկնած աշխատանքային էմիգրանտների ընդհանուր թիվը կազմում է 143․325, Ասիայում՝ 166․731, Ավստրալիայում՝ 34․090, իսկ Աֆրիկայում՝ 16․987։

Աղբյուր` Cumhuriyet

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։