Թուրքիան կստանձնի շուրջ 30 երկրի աղբի վերամշակման աշխատանքները

Տնտեսական06:57, 09 Հուլիս 2018

Թուրքիան կստանձնի շուրջ 30 երկրի աղբի վերամշակման աշխատանքները

Թուրքիայում աղբի վերամշակմամբ զբաղվող «Invest Trading Consulting» (ITC) ընկերությունը մտադիր է ձեռք բերել և վերամշակել շուրջ 30 երկրի աղբի պաշարները։

ITC տնօրենների խորհրդի նախագահ Ալի Քանթուրը տեղեկացրել է, որ իրենք արդեն այդ նպատակով բանակցություններ են սկսել Զամբիայի, Պակիստանի, Հնդկաստանի, Կատարի, Մարոկկոյի և մի շարք այլ երկրների հետ։ Նրա խոսքով՝ Թուրքիայի էկոնոմիկայի նախարարության աջակցությամբ ներդրումներ կկատարվեն արտերկրում թափոնների վերամշակման աշխատանքներում։

Քանթուրը նշել է, որ աշխարհի երկրների 70 տոկոսում, այդ թվում նաև Թուրքիայում, բոլոր տեսակի թափոնները հավաքվում են առանց տեսակավորման։ Միայն Եվրոպայում, Ամերիկայում և Ճապոնիայում է, որ մարդիկ իրենց տներում արդեն տեսակավորում են աղբը։

ITC տնօրենների խորհրդի նախագահը նշել է, որ Թուրքիայում օրական շուրջ 80․000 տոննա աղբ է հավաքվում, այլ կերպ ասած՝ Թուրքիայի յուրաքանչյուր քաղաքացի ամեն օր 1կգ աղբ է թափում։ Նրա խոսքով՝ այդ քանակությամբ աղբը վերամշակելու դեպքում կարելի է շուրջ 600 մեգավատ էլեկտրաէներգիա ստանալ։

Աղբյուր` sabah.com.tr

Այս ենթաբաժնի վերջին նորությունները

11:22, 27 դեկտ

Թուրքիայի ամենամեծ խնդիրը տնտեսության մեջ է

Թուրքիայի «Asal» հետազոտական ընկերությունը տարեվերջին ընդառաջ սոցհարցման միջոցով փորձել է պարզել երկրում ամենամեծ խնդիրը:

17:30, 24 դեկտ

Թուրքիայում կարծում են, որ ռուսական գազի դադարեցումը դեպի Ուկրաինա, նոր շանս կստեղծի թուրքերի համար

Գտնվելով էներգետիկ ուղիների կենտրոնում՝ Թուրքիան կարող է առանցքային դեր խաղալ Եվրոպայի էներգետիկ ճգնաժամը մեղմելու գործում։

11:15, 23 դեկտ

Հունաստանը դեմ է Թուրքիայի և Սիրիայի միջև «Բացառիկ տնտեսական գոտու» ստեղծմանը

Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ: