Գարո Փայլանը` Թուրքիայի իշխանությունների մասին. «Անամոթներ»

Քաղաքական09:41, 09 Հուլիս 2018

Գարո Փայլանը` Թուրքիայի իշխանությունների մասին. «Անամոթներ»

Թուրքիայի ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) հայ պատգամավոր Գարո Փայլանը «Twitter»-ում երկու գրառում է կատարել Թուրքիայում նախօրեին տեղի ունեցած գնացքի խոշոր վթարի վերաբերյալ։ Հիշեցնենք, որ այդ վթարի հետևանքով 24 ուղևոր էր զոհվել, իսկ 318-ը՝ վիրավորվել։

Նախ Փայլանի դժգոհությունն է առաջացրել այն փաստը, որ տեղի ունեցածի պատճառով Թուրքիայի նախագահ Ռեջեփ Թայիփ Էրդողանը չի պատրաստվում չեղարկել հուլիսի 9-ին կայանալիք իր երդմնակալության արարողությունը։

«Չորլուում տասնյակ քաղաքացիներ են զոհվել, իսկ նրանք շքեղ արարողությունից են խոսում։ Անամոթներ, սրբություն չունեցողներ»։

Մյուս գրառման մեջ պոլսահայ պատգամավորը փաստաթուղթ է ներակայացրել, ըստ որի՝ Թուրքիայի իշխանությունները մեկ ամիս առաջ չեղարկել են Չորլուում տեղի ունենալիք շինարարական աշխատանքները, որոնք պիտի ուղղված լինեին սողանքների կանխարգելմանը: Մինչդեռ նախնական տվյալների համաձայն՝ վթարի պատճառը նախորդ օրերին գրանցված հորդառատ անձրևներն են, որոնց հետևանքով սողանքներ էին առաջացել։

Հիշեցնենք, որ Թուրքիայում տեղի ունեցած արտահերթ ընտրությունների արդյունքում Էրդողանը վերընտրվել է նախագահի պաշտոնում։

Çorlu’da onlarca vatandaşımız katledilmiş, hâlâ “görkemli tören”den bahsediyorlar.
Utanmazlar!
Ahlaksızlar! https://t.co/OWeYh5jEWd
— Garo Paylan (@GaroPaylan) July 9, 2018

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։