Քրդամետ քաղաքական ուժը բոյկոտեց Էրդողանի երդմնակալությունը

Քաղաքական08:50, 10 Հուլիս 2018

Քրդամետ քաղաքական ուժը բոյկոտեց Էրդողանի երդմնակալությունը

Թուրքիայում հունիսի 24-ին կայացած արտահերթ խորհրդարանական ընտրություններում 11.70% ձայն և 67 պատգամավորական մանդատ ստացած «Ժողովուրդների դեմոկրատական կուսակցությունը» (ԺԴԿ-HDP), որը համարվում է քրդամետ քաղաքական ուժ, բոյկոտել է երկրի նախագահ վերընտրված Ռեջեփ Թայիփ Էրդողանի երդմնակալության արարողությունը:

Մինչ Թուրքիայում սպասում էին, թե ինչ դիրքորոշմամբ հանդես կգա ընդդիմությունը Էրդողանի երդմնակալության արարողության ժամանակ, վերոնշյալ կուսակցությունն արարողությանը մասնակցեց ցածր մակարդակով՝ առանց կուսակցության առաջնորդների:

Կուսակցությունը հայտարարել էր, որ իրենք չեն ողջունելու Էրդողանի մուտքը նիստերի դահլիճ, ոտքի չեն կանգնելու և չեն ծափահարելու: Եվ այդպես էլ արեցին:

Իսկ երդմնակալության արարողությունից հետո նախագահի նստավայրում կայացած միջոցառմանը ԺԴԿ-ականները մասնակցություն չունեցան:

Հիշեցնենք, որ պոլսահայ պատգամավոր Գարո Փայլանը ԺԴԿ-ի ընտրացուցակով է մասնակցել խորհրդարանական ընտրություններին:

Աղբյուր` demokrathaber.org

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։