Իրավական13:19, 11 Հուլիս 2018
Նոր մանրամասներ են պարզվել Դինքի գործով ցմահ ազատազրկված Յասին Հայալի մասին
Հուլիսի 10-ին Ստամբուլում կայացել է պոլսահայ անվանի լրագրող և հրապարակախոս Հրանտ Դինքի սպանության գործով 75-րդ դատական նիստը։ Նիստի ընթացքում հարցաքննվել են գործով անցնող մի շարք վկաներ։ Որպես վկա հանդես է եկել նաև Օգյուն Սամասթին սպանության դրդելու մեջ մեղադրվող և այդ հանցանքի համար ցմահ ազատազրկման դատապարտված Յասին Հայալի ազգական Ջոշքուն Իղջին։
Վերջինս իր ցուցմունքում հայտնել է, որ Հրանտ Դինքի սպանությունից առաջ Յասին Հայալն իրեն ասել է, որ պատրաստվում է սպանել Դինքին։
«2006թ․ հուլիսին սկզբին Յասին Հայալն ասաց, որ սպանելու է Հրանտ Դինքին։ Նա ասաց, որ Դինքը հայկական ծագմամբ լրագրող է, ով թուրքերի մասին չափից շատ է ավելորդ խոսում ու գրում», - պատմել է վկան։
Այդ լուրն ստանալուց հետո Իղջին այդ մասին հաղորդել է հետախուզության աշխատակիցներ Վեյսելին և Օքանին։
«Ես հաղորդում տվեցի այդ մասին, որովհետև Յասինի խոսքը գործ էր։ Ես ուզում էի պաշտպանել Յասինին օգտագործվելուց, քանի որ Տրապիզոնում օղաբլիթ (սիմիթ) վաճառող մեկը նման հանցանք չի կարող ծրագրել ու իրագործել։ Իմ համոզմամբ՝ որոշ մարդիկ Յասինին օգտագործում էին իրենց նպատակին հասնելու համար», - հավելել է Իղջին։
Դատական հաջորդ նիստը նշանակվել է հուլիս 11-ին։
Դատական նիստից առաջ մամուլի հայտարարությամբ հանդես եկած «Դինքի ընկերներ» նախաձեռնության մասնակիցներից Բյուլենթ Այդընը հիշեցրել է, որ Դինքի սպանության գործով դատավարությունն արդեն 11 տարի շարունակվում է։ 2007թ․ հուլիսի 2-ին սկսված դատական գործով արդեն 85 մեղադրյալ է անցել, որոնցից 24-ը 2017թ․ ընթացքում ազատ է արձակվել։
Հիշեցնենք, որ Ստաբուլի հայկական «Ակոս» թերթի գլխավոր խմբագիր Հրանտ Դինքը սպանվել է 2007թ. հունվարի 19-ին` Ստամբուլի Շիշլի թաղամասում գտնվող «Ակոս» թերթի խմբագրատան առջև` 17-ամյա թուրք ազգայնական Օգյուն Սամասթի կրակոցից: 2012թ. հունվարի 17-ին հրապարակվեց առաջին դատավճիռը։ Սպանությունն իրականացրած Օգյուն Սամասթը Անչափահասների գործերով դատարանի կողմից դատապարտվեց 22 տարի 10 ամսվա ազատազրկման։ Բայց բանտում նա կանցկացնի 10 տարի 8 ամիս՝ քրեակատարողական օրենքով նախատեսված վերապահումների և դատավարության ընթացքում անազատության մեջ անցկացրած 4 տարիների պատճառով։ Իսկ Յասին Հայալը դատապարտվեց ցմահ ազատազրկման։
Այս ենթաբաժնի վերջին նորությունները
Նշվում է, որ եթե հողի սեփականատերերը չգտնվեն մինչև 2024-ի դեկտեմբերի 16-ը, ապա միլիոնավոր լիրա արժողությամբ հսկայական տարածքը կանցնի Թուրքիայի գանձապետարանին։
Անկարայի դատարանում տեղի ունեցած լսումներից մեկում Ալփերեն Դեմիրդիշը պնդել է, որ դատական խորհրդի նախագահի և ու դատավորի գլխաշորի առկայությունը «հակասում է Թուրքիայի աշխարհիկությանը»։
Երկու երկրները կարող են կիսվել դատաիրավական պրակտիկայում իրենց փորձով ու շարունակել հարաբերությունները «Թյուրքական պետությունների կազմակերպության» շրջանակներում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի ՊՆ հաղորդագրության համաձայն՝ սեպտեմբերի 28-ից 29-ն ընկած ժամանակահատվածում վնասազերծվել է իրենց կողմից ահաբեկչական ճանաչված PKK-ի 12 զինյալ:
ԺՀԿ կուսակցության ղեկավար Օզգյուր Օզելը Հաթայում ընտրողների հետ հանդիպման ժամանակ անդրադարձել է Սիրիայի նախագահի կողմից հայտարարված համաներմանը:
Յորղոս Գերապետրիտիսն անդրադարձել է Թուրքիայի հետ երկկողմ հարաբերություններին:
Նման որոշում կայացվել է Գերմանիայի դաշնային անվտանգային խորհրդի գաղտնի նիստի ընթացքում:
Թուրքիայի նախագահը սոցցանցում կատարած գրառմամբ հայտնել է, որ Թուրքիան տեղի ունեցած ջրհեղեղի հետևանքները հաղթահարելու համար սնունդ և ապաստանվելու պարագաներ է ուղարկել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |