Թուրք դեսպանը շնորհակալություն է հայտնել Ռուսաստանին

Քաղաքական12:22, 16 Հուլիս 2018

Թուրք դեսպանը շնորհակալություն է հայտնել Ռուսաստանին

Ռուսաստանի Դաշնությունում Թուրքիայի արտակարգ և լիազոր դեսպան Հուսեյն Դիրիյոզը շնորհակալություն է հայտնել Մոսկվային, որ վերջինս 2016թ. հուլիսի 15-ի ռազմական հեղաշրջման փորձի ժամանակ աջակցել է թուրքական իշխանություններին։

Դեսպանն այդ մասին ասել է ռուսական լրատվամիջոցների հետ հանդիպմանը։

«Թուրքիան շնորհակալություն է հայտնում Ռուսաստանին, որը հեղաշրջման փորձի ժամանակ մեր իշխանություններին աջակցություն հայտնեց և դատապարտեց մեղավորներին»:

Դեսպանը հիշեցրել է, որ այդ օրը Ռուսաստանի նախագահ Վլադիմիր Պուտինը, զանգահարելով Թուրքիայի նախագահ Ռեջեփ Թայիփ Էրդողանին, ասել էր.

«Ռուսաստանն անընդունելի է համարում սահմանադրության խախտումը և բռնությունը»։

Հիշեցնենք, որ 2016-ի հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ էր կատարվել, որը, սակայն, հուլիսի 16-ի դրությամբարդեն լիովին ճնշվել էր: Օդուժի կիրառմամբ իրագործված հեղաշրջման փորձի հետևանքով, ըստ պաշտոնական տվյալների, եղել է 248 զոհ և 2.196 վիրավոր:

Աղբյուր` Sputniknews.com.tr

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։