Թուրքիան և Հոլանդիան փորձում են կարգավորել լարված հարաբերությունները

Քաղաքական11:59, 20 Հուլիս 2018

Թուրքիան և Հոլանդիան փորձում են կարգավորել լարված հարաբերությունները

Թուրքիան և Հոլանդիան որոշել են կարգավորել երկկողմ լարված հարաբերությունները։ Այդ մասին հայտարարել է Թուրքիայի արտգործնախարար Մևլութ Չավուշօղլուն։

Վերջինիս խոսքերով՝ նման պայմանավորվածություն ձեռք է բերվել ՆԱՏՕ-ի վերջին գագաթնաժողովի շրջանակներում։ Չավուշօղլուն հանդիպել է Հոլանդիայի արտգործնախարար Սթեֆ Բլոքի հետ։ Ըստ Չավուշօղլուի՝ իր հոլանդացի գործընկերը նամակ է փոխանցել, որտեղ պատրաստակամություն է հայտնել երկկողմ հարաբերությունների կարգավորման համար։

Որոշ ժամանակ անց երկու արտգործնախարարների միջև հեռախոսազրույց է տեղի ունեցել, որի ընթացքում կողմերը վերահաստատել են հարաբերությունները կարգավորելու իրենց ցանկությունը:

Որոշում է կայացվել առաջիկայում հանդիպում կազմակերպել և հանդես գալ համատեղ հայտարարությամբ։ Պայմանավորվածություն է ձեռք բերվել նաև կարճ ժամանակում նշանակել դեսպաններին, որոնք հետ էին կանչվել։

Հիշեցնենք, որ 2017-ի մարտի սկզբին Հոլանդիայում բնակվող թուրք ընտրողների հետ հանդիպման նպատակով այդ երկիր էին մեկնել թուրք նախարարների Մևլութ Չավուշօղլուն և Ֆաթմա Քայան: Սակայն նրանց թույլ չէր տրվել անգամ վայրէջք կատարել երկրի տարածքում: Նախարարների այցի նպատակն էր ապրիլին Թուրքիայում անցկացված սահմանադրական հանրաքվեից առաջ հանդիպել Հոլանդիայում բնակվող թուրք ընտրողների հետ: Ավելի ուշ ցամաքային ճանապարհով Հոլանդիա մուտք գործած Քայան արտաքսվել էր երկրից:

Աղբյուր` Haberturk

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։