Թուրք ազգայնական կուսակցապետը կարող է նորից առաջադրել իր թեկնածությունը

Քաղաքական07:18, 24 Հուլիս 2018

Թուրք ազգայնական կուսակցապետը կարող է նորից առաջադրել իր թեկնածությունը

Թուրքիայի ընդդիմադիր ազգայնական «İYİ» (Լավ) կուսակցության նախագահ Մերալ Աքշեների կուսակիցները ցանկանում են, որ վերջինս նորից առաջադրի իր թեկնածությունը կուսակցության ղեկավարի պաշտոնում։

Նախօրեին հայտնի էր դարձել, որ Աքշեները հրաժարվել էր առաջադրել իր թեկնածությունը։

Աղբյուրը հաղորդում է, որ մի խումբ կուսակիցներ հավաքվել են Աքշեների տան առջև և կոչ են արել, որ կին քաղաքական գործիչը նորից առաջադրի իր թեկնածությունը։

Արձագանքելով կուսակիցների կոչերին՝ Աքշեները խնդրել է 72 ժամ վերջնական որոշում կայացնելու համար։

Հիշեցնենք, որ Մերալ Աքշեները հրաժարվել էր իր թեկնածությունը առաջադրել այն բանից հետո, երբ կուսակիցների հետ աշխատանքային հանդիպումից հետո բանավեճ էր ծագել հունիսի 24-ի խորհրդարանական ընտրություններում կուսակցության գրանցած արդյունքի շուրջ։

Աքշեները հանդիպման ժամանակ ծագած վեճի պատճառով ելույթը կիսատ էր թողել և հեռացել՝ վերադառնալով միայն այն ժամանակ, երբ կրքերը հանդարտվել էին:

Աղբյուր` Oda Tv

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։