Գերմանիայում աճել է Թուրքիայում արգելված կառույցների համակիրների թիվը

Քաղաքական08:57, 26 Հուլիս 2018

Գերմանիայում աճել է Թուրքիայում արգելված կառույցների համակիրների թիվը

Գերմանիայի ներքին գործերի նախարարությանը կից Սահմանադրության պաշտպանություն կազմակերպությունը զեկույց է հրապարակել, ըստ որի Գերմանիայում ավելացել են Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) կողմնակիցները։

Եթե 2016 թ. Գերմանիայում PKK-ի կողմնակիցների թիվը հասնում էր 14.000-ի, ապա 2017թ. այդ թիվը հասել է 14.500-ի։

Ընդ որում զեկուցում PKK-ն ներկայացվում է որպես ահաբեկչական կազմակերպություն։ Ըստ տեղեկությունների՝ 2017թ. PKK-ն Գերմանիիայում հավաքագրել է 14մլն եվրո, իսկ Եվրոպայում՝ 25մլն եվրո։ Նշվում է, որ PKK-ի գործունեությունը Գերմանիայում և ընդհանրապես Եվրոպայում վերահսկվում է կուսակցության հրամանատարների կողմից, ովքեր դեռևս Հյուսիսային Իրաքում են։

Հավելվում է, որ PKK-ի երիտասարդ կողմնակիցները բավական ակտիվորեն Գերմանիայում զբաղվում են կուսակցության քարոզչության տարածմամբ։

Վերոնշյալ զեկուցում նշվել է նաև, որ Գերմանիայում կա 650 մարդ, ովքեր համարվում են Թուրքիայի կոմունիստական, ձախ ծայրահեղական «Ժողովրդական ազատագրական կուսակցություն-ճակատի» (DHKP-C) կողմնակիցներ։ Այս կազմակերպության գործունեությունը Թուրքիայում նույնպես արգելված է։

Գերմանիայում ևս 600 հոգի էլ համարվում է Թուրքիայի «Կոմունիստական և մարքսիստական կուսակցության» համակիր։ Վերջինիս գործունեությունը կրկին արգելված է Թուրքիայում։

Աղբյուր` Mynet

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։