ԱՄՆ-ը Թուրքիային սպառնում է պատժամիջոցներով

Քաղաքական06:09, 27 Հուլիս 2018

ԱՄՆ-ը Թուրքիային սպառնում է պատժամիջոցներով

ԱՄՆ-ի նախագահ Դոնալդ Թրամփը և փոխնախագահ Մայք Փենսը զգուշացրել են թուրքական իշխանություններին, թե ինչ հետևանքներ կլինեն, եթե ազատ չարձակվի Թուրքիայում կալանավորված ամերիկացի հոգևորական Էնդրյու Բրանսոնը։ Վերջինս մեղադրվում է Թուրքիայում ահաբեկչական համարվող կառույցների հետ կապեր ունենալու մեջ։

Ըստ ամերիկացի պաշտոնյաների՝ ԱՄՆ-ը պատրաստվում է պատժամիջոցներ կիրառել Թուրքիայի նկատմամբ։

ԱՄՆ-ի փոխնախագահ Փենսը թեմայի վերաբերյալ հայտարարել է.

«Եթե Թուրքիան քայլեր չձեռնարկի այդ անմեղ հոգևորականի ազատ արձակման և ԱՄՆ-ը վերադարձնելու հարցում, ապա շոշափելի պատժամիջոցներ կկիրառվեն, մինչև որ Բրանսոնը ազատ արձակվի»։

Վերջինիս խոսքերով այն բանից հետո, երբ ամերիկացի հոգևորականի նկատմամբ բանտային կալանքի փոխարեն սահմանվեց տնային կալանք, ինքն անձամբ հեռախոսազրույց է ունեցել Բրանսոնի հետ։

Փենսը Բրանսոնին խոստացել է ամեն ինչ անել, որպեսզի հոգևորականը վերադառնա հայրենիք։

Հայտարարությունից հետո թեմայի շուրջ Twitter-ում գրառում է կատարել նա Դոնալդ Թրամփը.

«ԱՄՆ-ը մեծածավալ պատժամիջոցներ կկիրառի Թուրքիայի նկատմամբ, քանի որ մեծ քրիստոնյա, ընտանիքի հայր և հիանալի մարդկային որակներ ունեցող հոգևորական Էնդրյու Բրանսոնը երկար ժամանակ կալանավորված է։ Պետք է անհապաղ ազատ արձակել այդ հավատացյալ մարդուն»։

Աղբյուր` NTV

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։