Թուրքիայի ներքին գործերի նախարարը արձագանքել է իր նկատմամբ սահմանված պատժամիջոցին

Տարածաշրջան08:47, 02 Օգոստոս 2018

Թուրքիայի ներքին գործերի նախարարը արձագանքել է իր նկատմամբ սահմանված պատժամիջոցին

Պաշտոնական Վաշինգտոնի` Թուրքիայի արդարադատության նախարար Աբդուլհամիթ Գյուլի և ներքին գործերի նախարար Սուլեյման Սոյլուի մուտքը ԱՄՆ արգելելու որոշումը վրդովվեցրել է Թուրքիային:

Թուրք-ամերիկյան լարված հարաբերությունների պատճառով արգելվել է Թուրքիայի արդարադատության նախարար Աբդուլհամիդ Գյուլի և ներքին գործերի նախարար Սուլեյման Սոյլուի մուտքը Միացյալ Նահանգներ։ Բացի դրանից սառեցվել էին այդ երկու նախարարների նյութական միջոցները ԱՄՆ-ում։

ԱՄՆ որոշմանը արձագանքել են անձամբ Սոյլուն և Թուրքիայի արտգործնախարար Մևլութ Չավուշօղլուն։

Թուրքիայի ներքին գործերի նախարարը Twitter-ում մասնավորապես գրել է.

«ԱՄՆ-ում ապրանք ունենք, ի դեմս FETÖ-ի (խմբ. Ֆեթուլլահական ահաբեկչական կազմակերպության; նկատի ունի Ֆեթթուլահ Գյուլենին)։ Նրան այնտեղ չենք թողնի, կվերցնենք»։

Իսկ Թուրքիայի արտգործանախար Չավուշօղլուն էլ իր Twitter-ում գրել է.

«ԱՄՆ-ի կողմից մեր նախարարների նկատմամբ պատժամիջոցների կիրառումը անպատասխան չի մնա»։
Չավուշօղլուն ԱՄՆ-ի կողմից Բրանսոնի ազատ արձակման վերաբերյալ պահանջները անօրինական է համարել և հավելել, որ նման կերպ Թուրքիայի և ԱՄՆ-ի միջև գոյություն ունեցող հարցերը չեն կարողանա լուծվել։

Աղբյուր` Ermenihaber