Թուրքիայի ՆԳ նախարարը ուսով հարվածել է Էրդողանի փեսային (տեսանյութ)

Հասարակական08:35, 03 Օգոստոս 2018

Թուրքիայի ՆԳ նախարարը ուսով հարվածել է Էրդողանի փեսային (տեսանյութ)

Թուրքիայի նախագահ Ռեջեփ Թայիփ Էրդողանը և բարձրագույն ռազմական խորհրդի անդամները օգոստոսի 2-ին այցելել են Թուրքիայի հանրապետության հիմնադիր Մուստաֆա Քեմալ Աթաթուրքի դամբարան։ Այցի ընթացքում ուշագրավ միջադեպ է գրանցվել ներքին գործերի նախարար Սուլեյման Սոյլուի և գանձապետարանի ու ֆինանսների նախարար, Էրդողանի փեսա Բերաթ Ալբայրաքի միջև։

Այցի ավարտին դեպի իրենց մեքենաները շարժվող նախարարները ուսերով բախել են իրար։ Սոցիալական ցանցերում արագ տարածված և բուռն քննարկումների առարկա դարձած միջադեպի տեսագրությունից կարելի է ենթադրել, որ Սոյլուն մտածված է բախվում Ալբայրաքին։

Միջադեպից հետո Բերաթ Ալբայրաքը շարունակում է անխռով առաջ շարժվել, իսկ Սուլեյման Սոյլուն հետ է նայում ու խորամանկ ժպտում։

«Mynet» լրատվակայքը նշում է, որ ավելի վաղ Սոյլուի և Ալբայրաքի միջև վեճ է եղել։ Իսկ թուրքական «FOX TV»-ի մեկնաբան Ֆաթիհ Փորթաքալի կարծիքով՝ նախարարների միջև ամիսներ առաջ սկիզբ առած լարվածության պատճառով նախագահ Էրդողանը շուտով կարող է կանգնել Սոյլուի և Ալբայրաքի միջև ընտրություն կատարելու անհրաժեշտության առաջ։

Աղբյուր` mynet.com

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։