Թուրքիայի ամենաթանկարժեք առանձնատունը․ մակերեսի 70 տոկոսը ոսկեզօծ է (լուսանկարներ)

Հասարակական09:50, 10 Օգոստոս 2018

Թուրքիայի ամենաթանկարժեք առանձնատունը․ մակերեսի 70 տոկոսը ոսկեզօծ է (լուսանկարներ)

Թուրքիայի Մալաթիա նահանգում է գտնվում երկրի թերևս ամենաթանկարժեք առանձնատունը, որի մակերեսի 70 տոկոսը ոսկեզօծ է։ Շինությունն իր տեսքով իսկական արքայական պալատ է հիշեցնում։ Այն ուշադրություն է գրավում ոչ միայն ոսկու առատությամբ, այլև յուրահատուկ ճարտարապետական լուծումներով։ Կառույցն իր տեսակի մեջ եզակի ստեղծագործություն է ողջ Թուրքիայի համար։

Մալաթիայի Հաջի Աբդի թաղամասում գտնվող այս չորս հարկանի շենքի բոլոր սենյակների դռների բռնակներն ու ծորակներն օծված են 24 կարատանոց ոսկով։ Պատերի զարդաքանդակները և կահույքը պատված են ոսկու թերթերով, ընդ որում՝ ամեն ինչ անթերի է ու մանրանկարչի աշխատանք է հիշեցնում։

Տան ողջ կահույքը և բոլոր դեկորացիաները պատրաստված են չափազանց թանկարժեք և դիմացկուն հումքից, քան սովորաբար ընդունված է օգտագործել կահույքի արտադրությունում։ Բոլոր դռները պողպատյա են, դրանք զգայուն են մատնահետքերի նկատմամբ։ Ընդհանուր առմամբ, ողջ շինությունը հագեցած է հատուկ անվտանգության համակարգով։

Կառույցի ընդհանուր արժեքը կազմում է 24 մլն թուրքական լիրա (այսօրվա փոխարժեքով՝ շուրջ 141․6 մլն դոլար)։ Կառույցի շինարարությունը տևել է 4 տարի, շինության նոր տերը կամ տերերը դեռևս հայտնի չեն։

Աղբյուր` CNN Türk

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։