Միջազգային07:15, 15 Օգոստոս 2018
ՆԱՏՕ-ն և ՄԱԿ-ն արձագանքել են Թուրքիա-ԱՄՆ լարվածությանը
ՆԱՏՕ-ի ներկայացուցիչն արձագանքել է Թուրքիայի և ԱՄՆ-ի միջև առաջացած լարվածությանը։ Թուրքիայի պետական «Anadolu» լրատվական գործակալությունը հրապարակել է ՆԱՏՕ-ի պաշտոնյայի խոսքը՝ առանց նշելու վերջինիս անունը։
«ՆԱՏՕ-ի դաշնակիցներն ապացուցել են, որ կարող են միշտ համաձայնության գալ համերաշխության և միմյանց պաշտպանելու հարցում», - ասել է պատոնյան։
Նա հավելել է, որ դաշինքի անդամների միջև երբեմն կարող են հակասություններ ծագել, սակայն դա չի կարող ազդեցություն ունենալ դաշինքի ներսում հիմնական հարցերի շուրջ կողմերի ձեռք բերած համաձայնությունների վրա։ Ըստ նրա՝ այդ տարաձայնությունները միայն երկկողմ հարաբերությունների մակարդակում են մնում։
Իսկ Միացյալ ազգերի կազմակերպության (ՄԱԿ) գլխավոր քարտուղարի խոսնակ Ստեֆան Դյուժարիկը իր հերթին հայտարարել է, որ թե ԱՄՆ-ն, թե Թուրքիան շատ կարևոր երկրներ են և կարևոր դերակատարություն ունեն տարածաշրջանում։ Նա հույս է հայտնել, որ երկու երկրների միջև ծագած տարաձայնությունները կլուծվեն երկկողմ երկխոսության մակարդակում և դուրս չեն գա երկկողմ հարաբերությունների սահմաններից։
«Երկկողմ խնդիրները կարող են դուրս գալ այդ երկու երկրների հարաբերությունների սահմաններից, սակայն մենք դա չենք ցանկանում։ Չենք ուզում տեսնել, թե ինչպես է այդ լարվածությունը տարածվում ԱՄՆ–ի և Թուրքիայի սահմաններից դուրս», - ասել է Դյուժարիկը լրագրողների հետ զրույցում։
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Թուրքական մամուլում վերոնշյալը ներկայացվել է որպես հակաթուրքական լոբբի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |