Սերբիայի արտգործնախարար. «Սերբիան երբեք չի ներգրավվի հակաթուրքական դաշինքում»

Քաղաքական09:04, 20 Օգոստոս 2018

Սերբիայի արտգործնախարար. «Սերբիան երբեք չի ներգրավվի հակաթուրքական դաշինքում»

Սերբիայի արտգործնախարար Իվիցա Դաչիչը պաշտոնական այցով եկել է Թուրքիա` մասնակցելու հյուպաստոսարանի բացմանը Անթալիայում: Բացման արարողությունից հետո Դաչիչը և Թուրքիայի արտգործնախարար Մևլյութ Չավուշօղլուն համատեղ մամուլի ասուլիս են կազմակերպել:

Դաչիչը նշել է, որ 2016թ. հեղաշրջման փորձի ժամանակ Սերբիան ոչ թե սպասել է, թե ինչ կպատահի նախագահ Էրդողանին, այլ անմիջապես դատապարտել է հեղաշրջման փորձը:

«Սերբիան երբեք չի ներգրավվի հակաթուրքական դաշինքում»:

Դաչիչը, հիշեցնելով վերջին ժամանակաշրջանում Թուրքիայի և Սերբիայի հաճախակի կազմակերպվող այցելությունները, ընդգծել է, որ 2017թ. հոկտեմբերին Թուրքիայի նախագահ Էրդողանի` Սերբիա կատարած այցի ընթացքում սկիզբ դրվեց մի նոր ժամանակաշրջանի:

Դաչիչը նաև նշել է, որ երկու երկրների միջև հարաբերությունները շատ լավ թափ են ստացել, մասնավորապես տնտեսական հարաբերությունները հարթ են ընթանում և դրանից երկու երկրներն էլ գոհ են: Թուրքիայի հետ նպատակ կա զարգացնել հարաբերությունները բոլոր ոլորտներում:

Սերբիայի արտգործնախարարը նշելով, որ բացված հյուպատոսարանը երկու երկների միջև հարաբերություններն ավելի է զարգացնելու, ասել է. «Հաջորդ տարի նշելու ենք դիվանագաիտական հարաբերությունների 140 ամյակը: Մենք ցանկանում ենք էլ ավելի զարգացնել մեր բարեկամական հարաբերությունները»:

Սերբ նախարարը շեշտել է այն հանգամանքը, որ սերբ զբոսաշրջիկների համար Անթալիան շատ կարևոր վայր է, որտեղ էլ և բացվում է հյուպատոսարանը: Այդ հյուպատոսությունը ծառայելու է և Թուրքիայում ապրող բալկանյան, և Սերբիայում բնակվող մուսուլման ժողովուրդների շահերին:

Աղբյուր` Anadolu ajans

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։