Թուրք պատգամավոր. «Թուրքիայի համար շատ հուզիչ է մարդկանց մորթող-ուտողների գովաբանությունը»

Տարածաշրջան12:32, 24 Օգոստոս 2018

Թուրք պատգամավոր. «Թուրքիայի համար շատ հուզիչ է մարդկանց մորթող-ուտողների գովաբանությունը»

Թուրքիայի գլխավոր ընդդիմադիր, քեմալական «Ժողովրդահանրապետական կուսակցության» (CHP-ԺՀԿ) նախկին պատգամավոր Հուսեյն Այգունը մեկնաբանել է «Իսլամական պետություն» (ԻՊ-DEAŞ) ահաբեկչական խմբավորման առաջնորդ Աբու Բաքր ալ Բաղդադիի հայտարարությունը` թուրք-ամերիկյան հարաբերությունների մասին։

Բաղդադին այդ գրառման մեջ նշել էր, որ ԱՄՆ-ն այժմ թույլ իրավիճակում է գտնվում և դրա վառ ապացույցն է Թուրքիայում կալանավորված ամերիկացի հոգևորական Բրանսոնի հետ կապված ճգնաժամը։ Վերջինիս պատճառով թուրք-ամերիկյան հարաբերությունները խիստ լարվել են։

Թուրք պատգամավորի կարծիքով՝ դրանով ալ Բաղդադին իր աջակցությունն է հայտնում Բրանսոնի հարցում Թուրքիայի դիրքորոշմանը։ Թուրքիան կտրականապես մերժում է Բրանսոնին ազատ արձակելու ԱՄՆ-ի պահանջները։

Թուրք նախկին պատգամավորը այդ գրառման մեջ նշել է.

«ԻՊ-ի առաջնորդ ալ Բաղդադին իր ձայնագրության մեջ գնահատում է Բրանսոնի շուրջ ստեղծված իրավիճակը և այդ հարցում գովաբանում է Թուրքիայի դիրքորոշումը։ Մեզ համար շատ հուզիչ է տարատեսակ ջիհադիստների, իսլամիստների և մարդկանց մորթող - ուտողների՝ վերջին շրջանում հատկապես բորբոքված «սերը» Թուրքիայի նկատմամբ»։

Աղբյուր` Yeniakit