Իրավական07:51, 28 Օգոստոս 2018
Թուրքիայում կալանավորված ամերիկացի հոգևորականի դատական գործը քննվելու է Սահմանադրական դատարանում
ԱՄՆ-ի և Թուրքիայի միջև լարվածության պատճառ հանդիսացող ամերիկացի հոգևորական Էնդրյու Բրանսոնի դատական գործն արդեն քննելու է Սահմանադրական դատարանը:
Բրանսոնի ազգությամբ հայ դատապաշտպան Ջեմ Հալավուրթը նշել է, որ Սահմանադրական դատարանը վերջին ատյանն է, ու դրանից հետո կսպառվեն Թուրքիայում ներքին իրավական միջոցները: Եթե դատարանը բացասական որոշում կայացնի, ապա կարող են դիմել Մարդու իրավունքների եվրոպական դատարան (ՄԻԵԴ):
Փաստաբանը կարծում է, որ եթե Սահմանադրական դատարանը գործի ամբողջովին իրավական սահմաններում, ապա Բրանսոնը պետք է ազատ արձակվի: Նա նաև ընդգծել է, որ իրենք առաջնորդվում են իրավական ընթացակարգով և գործում օրենքի տառին համապատասխան:
ՄԻԵԴ-ի նախկին դատավոր Ռըզա Թյուրմենը, անդրադառնալով Բրանսոնի դատական գործի քննությանը Սահմանադրական դատարանում, հայտնել է, որ Բրանսոնի փաստաբանը ճիշտ է գործում և դատական գործընթացն այժմ անցնում է «ամենավտանգավոր փուլը»:
Թյուրմենը նշել է, որ ինչքան ձգձգվեց բանտարկության և հետո տնային կալանքի հետ կապված գործընթացը, այնքան օրինախախտումներն էլ ավելի շատացան:
Դրանից զատ ՄԻԵԴ-ի նախկին դատավորը պարզաբանել է, որ շատ կարևոր է, որ Սահմանադրական դատարանը հստակ որոշում կայացնի` ամեն տեսակ ճնշումից հեռու, դատական գործի ողջ մանրամասները քննելով, բացահայտի դատական գործընթացում տեղի ունեցած բոլոր սխալները:
Թյուրմենը նույնպես տեղեկացրել է, որ եթե Սահմանադրական դատարանը բացասական որոշում կայացնի, ապա դատական գործը քննվելու է ՄԻԵԴ-ում, որը կարող է հայտարարել, որ Թուրքիայի ՍԴ-ն չունի արդյունավետ ներքին իրավական միջոցներ:
Ակնկալվում է, որ Բրանսոնի հաջորդ դատական նիստը տեղի կունենա հոկտեմբերի 12-ին:
Հիշեցնենք, որ Թուրքիայում ահաբեկչական կառույցների հետ կապ ունենալու և լրտեսություն անելու մեղադրանքով կալանավորված Էնդրյու Բրանսոնի խափանման միջոցը հուլիսի 26-ին (2018թ.) թուրքական դատարանը փոխել էր՝ սահմանելով տնային կալանք: Չնայած ԱՄՆ-ի իշխանությունները ողջունել էին դատարանի որոշումը, այնուամենայնիվ, այն համարել էին ոչ բավարար:
Բրանսոնի փաստաբանն գոստոսի 17-ին դատարանին դիմել է Բրանսոնի նկատմամբ սահմանված տնային կալանքը և Թուրքիայի սահմաններից դուրս գալու արգելքը վերացնելու միջնորդությամբ, սակայն այս անգամ ևս դատարանը մերժել էր առարկությունը:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |