Իրավական09:24, 29 Օգոստոս 2018
Գերմանիայում Էրդողանին վիրավորելու մեղադրանքով հետաքննություն է սկսվել
Գերմանիայում ապաստանած մի քուրդ փախստականի դեմ Թուրքիայի պահանջով հետաքննություն է սկսվել։ Գերմանական մամուլում տեղ գտած տեղեկությունների համաձայն՝ նա մեղադրվել է Facebook սոցիալական ցանցում կատարած հրապարակումներում Թուրքիայի նախագահ Ռեջեփ Թայիփ Էրդողանին վիրավորելու մեջ։
Գերմանական Sueddeutsche Zeitung թերթը նշում է, որ Թուրքիայի կողմից ներկայացվող նման պահանջները սովորաբար մերժվում են։ Սակայն այս անգամ Նոյբրանդենբուրգ քաղաքի դատախազությունը ընթացք է տվել Թուրքիայի գլխավոր հյուպատոսարանից ստացված դատական փոխօգնության խնդրանքին։
Արդեն երկար տարիներ Գերմանիայում բնակվող Իբրահիմ Օ-ն մեղադրվում է Facebook-ում կատարած 4 գրառումներում Թուրքիայի նախագահին վիրավորելու, ինչպես նաև՝ ահաբեկչական խմբավորման անդամ լինելու մեջ։ Սակայն մեղադրյալը պնդում է, որ այդ գրառումների հեղինակը ինքը չէ։
Ուշագրավ է, որ Նոյբրանդենբուրգի դատախազությունը հետաքննություն է սկսել դեռևս 2016թ․ մարտ ամսին, սակայն այս փաստի մասին լրատվամիջոցնները դեռ նոր են տեղեկություն ստացել։ Իբրահիմ Օ-ի փաստաբանը դժգոհություն է հայտնել այն առթիվ, որ իր պաշտպանյալին հարցաքննության են կանչել՝ առանց ներքին գործերի նահանգային վարչության թույլտվության։ Բացի այդ, նա ընդգծել է, որ Գերմանիայի օրենքների համաձայն՝ տվյալ անձին չպատկանող ֆեյսբուքյան գրառումները հանցանք չեն համարվում։
Փաստաբանը խստորեն քննադատել է գերմանական դատական մարմիններին՝ Թուրքիայի հետ այս առումով համագործակցելու համար։
«Եթե դատախազությունը իմ պաշտպանյալի անձնական տվյալները հաղորդած լինեն թուրքական կառույցներին և դա վտանգի ենթարկի պաշտպանյալիս ընտանիքին, ապա իրական դատական սկանդալ կհասունանա»,- նշել է մեղադրյալի փաստաբանը։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |