Իրավական06:43, 30 Օգոստոս 2018
Գերմանական «Die Welt» թերթի թղթակից Դենիզ Յուջելը Թուրքիայից 1մլն լիրայի փոխհատուցում է պահանջում
Գերմանական «Die Welt» թերթի թղթակից Դենիզ Յուջելը դատական հայց է ներկայացրել Թուրքիայի դեմ։ Նա 1մլն թուրքական լիրայի փոխհատուցում է պահանջել Թուրքիայից՝ շուրջ 1 տարի անօրինական կերպով կալանքի տակ պահվելու համար։ Այս մասին տեղեկացնում է «Լրագրողներ առանց սահմանների» (RSF) իրավապաշտպան կազմակերպությունը։
RSF–ի թվիթերյան էջում զետեղված է հետևյալ գրառումը․
«Գերմանական «Die Welt» թերթի լրագրող Դենիզ Յուջելն ավելի քան 1 տարի անօրինական կերպով կալանքի տակ պահվելու դիմաց 1մլն թուրքական լիրայի փոխատուցման պահանջով դատական հայց է ներկայացրել։ Փաստաբան Վեյսել Օքի կողմից Ստամբուլի ծանր հանցագործությունների 17-րդ դատարանում բացված դատական գործով լսումները կմեկնարկեն սեպտեմբերի 25-ին»։
Հիշեցնենք, որ Թուրքիայի և Գերմանիայի քաղաքացի, գերմանական «Die Welt» թերթի Թուրքիայի թղթակից, 44-ամյա Դենիզ Յուջելը 1 տարի կալանավորված էր մնացել Թուրքիայում՝ առանց մեղադրական եզրակացության։ Նա ձերբակալվել էր 2017թ․ փետրվարի 14-ին, երբ ներկայացել էր Ստամբուլի անվտանգության վարչություն՝ այլ դատավարության շրջանակներում ցուցմունք տալու համար։ Յուջելը մեղադրվում էր իր հոդվածներով «հանրության մեջ ատելություն և թշնամանք տարածելու» և «ահաբեկչական խմբավորման պրոպագանդա» կատարելու մեջ։
2018թ․ փետրվարի 16-ին թուրքական դատարանը որոշում կայացրեց ազատ արձակել Յուջելին՝ մինչև վճռի հրապարակումը։ Վերջինս վերադրաձավ Գերմանիա։ Յուջելի գործով հաջորդ դատական նիստը կկայանա դեկտեմբերի 20-ին։ Թուրքական դատախազությունը լրագրողի համար 18 տարի խիստ ռեժիմի ազատազրկում է պահանջում։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |