Թուրքիայում սպանվել է PKK-ի ազդեցիկ հրամանատարներից մեկը

Տարածաշրջան05:53, 04 Սեպտեմբեր 2018

Թուրքիայում սպանվել է PKK-ի ազդեցիկ հրամանատարներից մեկը

Թուրքիայի հարավարևելյան Հաքքարի նահանգի Յուքսեքովա շրջանում բախումներ են տեղի ունեցել թուրք զինվորների և «Քուրդիստանի բանվորական կուսակցության» (ՔԲԿ-PKK) զինյալների միջև։

Դրա հետևանքով թուրք զինվորները սպանել են Թուրքիայում «վտանգավոր ահաբեկիչների ցուցակում» գտնվող ՔԲԿ-ի պատասխանատուներից Ֆաթիհ Օզդենին, որը հանդես էր գալիս «Բագեր Անդոք» կեղծանվամբ։

Օզդենին մասին լուրը հայտնել է Թուրքիայի զինված ուժերի գլխավոր շտաբը։

Տեղեկացվում է, որ քուրդ զինյալը ծնվել էր 1970թ., Թուրքիայի Բիթլիս նահանգի Ադիլջևազ շրջանում։

Ավելի վաղ էլ Թուրքիայի Գյումյուշհանե նահանգի Քյուրթուն շրջանում սպանվել էր PKK-ի մեկ այլ հրամանատար Օմեր Բարըշ։ Նա տարիներ առաջ մասնակցել է Թուրքիայի գլխավոր ընդդիմադիր «Ժողովրդահանրապետական կուսակցության» նախագահ Քեմալ Քըլըչդարօղլուի ավտոշարասյան վրա իրականացված հարձակմանը։

Հիշեցնենք, որ PKK-ն, ինչպես նաև դրա ճյուղերը Թուրքիայում համարվում են ահաբեկչական կազմակերպություններ։

Աղբյուր` Anadolu

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: