Իզմիրում կայացել է Թուրքիայի և Հունաստանի արտգործնախարարների հանդիպումը

Քաղաքական10:51, 04 Սեպտեմբեր 2018

Իզմիրում կայացել է Թուրքիայի և Հունաստանի արտգործնախարարների հանդիպումը

Սեպտեմբերի 4-ին կայացել է Թուրքիայում Հունաստանի գլխավոր հյուպատոսության վերանորոգված շենքի բացման արարողությունը, որին մասնակցել են Թուրքիայի և Հունաստանի արտգործնախարարներ Մևլութ Չավուշօղլուն և Նիկոս Կոցիասը:

Իզմիրում, որտեղ գտնվում է գլխավոր հյուպատասությունը, լրագրողների հետ զրույցում երկու նախարարները խոսել են երկկողմ հարաբերություններին առնչվող հարցերից:

Թուրքիայի արտգործնախարարը նշել է, որ երկու ժողովուրդն էլ մշակութային անթիվ նմանություններ ունեն, հունարենում և թուրքերենում 5000 ընդհանուր բառ կա, որոնք էլ նրանց մերձեցնում են:

«Այո, օրեր եղել են, որ միմյանց չենք հասկացել, երբեմն փոթորկալից ժամանակներ ենք ապրել: Սակայն մենք որպես լուծում տեսնում ենք համագործակցությունը և երկխոսությունը»:

Նրա խոսքով` Հունաստանը թիրախ ընտրած հեղաշրջման մասնակիցներն ու դավաճանները Թուրքիայում տեղ չէին ունենա: Սա ասելով` Չավուշօղլուն նկատի է ունեցել այն, որ Հունաստանը հեղաշրջման 8 մասնակցի ապաստանելու իրավունք էր տվել:

Իսկ Հունաստանի արտգործնախարարը հայտնել է, որ հեղաշրջման փորձի ժամանակ եղել են Թուրքիայի կողքին և չնայած որոշ խնդիրերի, փորձում են զարգացնել երկկողմ հարաբերությունները:

Աղբյուր` NTV

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։