Թուրքական արտադրության բազմաֆունկցիոնալ ուղղաթիռի փորձարկումը հաջող է անցել

Տնտեսական09:25, 06 Սեպտեմբեր 2018

Թուրքական արտադրության բազմաֆունկցիոնալ ուղղաթիռի փորձարկումը հաջող է անցել

Թուրքիան հաջողությամբ փորձարկել է սեփական արտադրության բազմաֆունկցիոնալ «T625» ուղղաթիռը, որը արտադրվել է Թուրքայի ավիացիայի և տիեզերագնացության արդյունաբերական ընկերության (TUSAŞ) կողմից։

Թռիչքի ժամանակ ուղղաիթռը տարբեր մանևրեր է իրականացրել։ Թռիչքը իրականացրել են «TUSAŞ»-ի օդաչուները՝ Թուրքիայի ռազմարդյունաբերության վարչության աշխատակիցների համակարգմամբ։

Ուղղաթիռի առաջին թռիչքն իրականացնելու լուրը իր «Twitter»-ի էջում տարածել է Թուրքիայի ռազմարդյունաբերության ղեկավար Իսմայիլ Դեմիրը։ Հրապարակվել է նաև թռիչքի տեսանյութը։

Ուղղաթիռի կարևորագույն համակարգերը նախագծվել և արտադրվել են բացառապես տեղական միջոցներով։

Ուղղաթիռը նախատեսված է բարդ եղանակային և աշխարհագրական պայմաններում, մեծ բարձրություններում և բարձր ջերմաստիճանի պայմաններում ցերեկային և գիշերային թռիչքներ իրականացնելու համար։ Այն կարող է օգտագործվել բեռնափոխադրումների, ուղևորափոխադրումների, մասնավոր թռիչքների, շտապ օգնության կամ որոնողափրկարարական աշխատանքների իրականացման նպատակով։

Ուղղաթիռի տեխնիկական բնութագրերը՝

Երկարությունը՝ 15․87 մետր

Անձնակազմի քանակը՝ 2

Ուղևորների թիվը՝ 12

Ստանդարտ վառելիքի բաք՝ 1020 կգ

Վառելիքի հավելյալ բաք՝ 280 կգ

Բեռնախցիկ՝ 1․1 մ3

Թռիչքի առավելագույն արագությունը՝ 306 կմ /ժամ

Թռիչքի հեռավորությունը՝ 740կմ/948կմ (վառելիքի հավելյալ բաք օգտագործելու դեպքում)

Թռիչքի առավելագույն տևողությունը՝ շուրջ 3․8 ժամ։