«Ֆեթոմետր»-ով գաղտնազերծվում են գյուլենականների ծպտյալ անդամները

Ռազմական17:01, 12 Սեպտեմբեր 2018

«Ֆեթոմետր»-ով գաղտնազերծվում են գյուլենականների ծպտյալ անդամները

Թուրքիայում ահաբեկչական համարվող գյուլենականների (FETÖ) դեմ պայքարում ռազմածովային ուժերի հրամանատար, ծովակալ Ջիհաթ Յայջըն շրջանառության մեջ է դրել «Ֆեթոմետր» հավելվածը, որով գաղտնազերծվում են կառույցի ծպտյալ անդամները և վերջիններիս ուղղորդող «առեղծվածային իմամները»:

իմամ - մահմեդական հոգևորական

2016թ. Թուրքիայում հեղաշրջման փորձ իրականացնելու մեջ մեղադրվող տարբեր աստիճանակարգ ունեցող ֆեթուլլահական անձնակազմից, մինչև այսօր հայտնաբերվել է 4500 անդամ և վերջիններիս ուղղորդող 600 «առեղծվածային իմամ»:

Ծովակալ Յայջըն ռազմածովային ուժերի հրամանատար դառնալուց հետո հատուկ ջոկատ է ստեղծել, որը պայքարել է զինված ուժեր մուտք գործել փորձող գյուլենական կառույցների դեմ: Այս պայքարը իրավական դաշտ տեղափոխելու համար հիմնվել է «Դատական հետաքննության և վարչական ակտերի բաժին» (ATİİİŞ):

«Ֆեթոմետր» գաղտնի հավելվածի միջոցով վերլուծության ենթարկվող անձանց մասին հրամանատարությունից, 16 նախարարությունից և 25 հասարակական կառույցից ստացված տեղեկությունները ներբեռնվել են թուրք ծրագրավորողների պատրաստած «որոշումների կայացման ծրագրում»: Հավելվածի համար նախնական ընդունվել էր 29 հիմնական չափորոշիչ, որից հետո հիմնական չափորոշիչների թիվը հասել է 70-ի, իսկ երկրորդական չափորոշիչներինը` 249-ի:

Հեղաշրջման փորձից հետո գյուլենականների դեմ պայքարի շրջանակներում պահեստազորի զինվորականներից և ներկայումս ռազմազովային ուժերում ծառայող զինվորներից ընդհանուր առմամբ 810.000-ը «Ֆեթոմետրի» տեստ է հանձնել: