Էրդողանի կուսակցությունը բանակցում է ազգայնականների հետ՝ ՏԻՄ ընտրություններին դաշինքով մասնակցելու համար

Քաղաքական12:52, 25 Սեպտեմբեր 2018

Էրդողանի կուսակցությունը բանակցում է ազգայնականների հետ՝ ՏԻՄ ընտրություններին դաշինքով մասնակցելու համար

Թուրքիայի նախագահ Ռեջեփ Թայիփ Էրդողանի ղեկավարած «Արդարություն և զարգացում կուսակցությունը» (ԱԶԿ-AKP) տեղական ինքնակառավարման մարմինների (ՏԻՄ) առաջիկա ընտրություններին դաշինքով մասնակցելու շուրջ բանակցություններ է սկսում «Ազգայնական շարժում կուսակցության» (ԱՇԿ-MHP) հետ:

Դաշինքի մասին խոսակցություններն ավելի ակտիվացան այն բանից հետո, երբ ԱՇԿ-ի ղեկավար Դևլեթ Բահչելին հայտարարեց, որ երկրի ամենամեծ քաղաքի՝ Ստամբուլի համար իրենք թեկնածու չեն առաջադրելու՝ ակնարկելով, որ աջակցելու են քաղաքապետի ԱԶԿ-ի թեկնածուին:

Սեպտեմբերի 25-ին արդեն բանակցությունների նպատակով հանդիպելու են 2 կուսակցության տեղական ինքնակառավարման հարցերով պատասխանատու փոխնախագահները:

Հանդիպումների արդյունքում ձեռք բերված համաձայնությունները վերջնականապես հաստատելու համար տեղի կունենա նաև կուսակցությունների նախագահներ Էրդողանի և Բահչելիի հանդիպումները:

Հիշեցնենք, որ նշյալ կուսակցությունները դաշինքով են մասնակցել նաև Թուրքիայում 2018 թվականի հունիսի 24-ին տեղի ունեցած արտահերթ խորհրդարանական ընտրություններին: 2 կուսակցությունները միասին ստացել էին ձայների 53.62 տոկոսը (ԱԶԿ-42.49%, ԱՇԿ-11.13%)՝ կարողանալով խորհրդարանում ապահովել մեծամասնություն:

Աղբյուր` Solhaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։