Քյոլնի քաղաքապետը հրաժարվել է մասնակցել Էրդողանի կողմից կատարվելիք մզկիթի բացման արարողությանը

Քաղաքական08:58, 27 Սեպտեմբեր 2018

Քյոլնի քաղաքապետը հրաժարվել է մասնակցել Էրդողանի կողմից կատարվելիք մզկիթի բացման արարողությանը

Քյոլնի քաղաքապետ Հենրիետա Ռեկերը հրաժարվել է մասնակցել քաղաքում կառուցված թուրքական մզկիթի բացմանը, որը պետք է կատարվի պաշտոնական այցով Գերմանիա մեկնող Թուրքիայի նախագահ Ռեջեփ Թայիփ Էրդողանի կողմից:

Ռեկերին զայրացրել է այն փաստը, որ մզկիթի բացման արարողությունից 3 օր առաջ դեռ միջոցառումը կազմակերպող Գերմանիայում գործող «Կրոնական գործերի թուրք իսլամական միությունը» քաղաքապետարանին չի ուղարկվել բացման ծրագրի մանրամասները և Քյոլնի քաղաքապետարանի մասնակցության ձևաչափը: Ռեկերը հայտնել է նաև, որ բացման արարողությանը չի մասնակցի քաղաքապետարանի ոչ մի ներկայցուցիչ:

«Ինձ հիսաթափեցրել է քաղաքապետարանի ներկայացուցիչների հետ նրանց կոնտակտի ձևը: Այստեղ հարցը իմ անձը չէ, հարցը Քյոլնի բնակիչների կողմից ձևավորված ամենաբարձր կառավարման օրգանի նկատմամբ հարգանքն է»,- ասել է քաղաքապետը:

Սեպտեմբերի 27-29-ին Էրդողանի Գերմանիա կատարելիք այցի վերաբերյալ արդեն բացասական են արտահայտվել մի շարք քաղաքական գործիչներ, հատկապես՝ ընդդիմադիր:

Նախօրեին էլ Բեռլինի քաղաքապետ Միխայել Մյուլլերը հայտարարել էր Էրդողանի պատվին Գերմանիայի նախագահական պալատում տրվելիք պաշտոնական ճաշից հրաժարվելու մասին:

Նմանատիպ հայտարարություններով են հանդես եկել նախ Գերմանիայի «Ձախերի» ու «Ազատ» դեմոկրատների», «Կանաչների» ու «Գերմանիայի համար այլընտրանք» կուսաակցությունների մի շարք ներկայացուցիչներ:

Գերմանական լրատվամիջոցներում տեղեկություններ են հայտնվել այն մասին, որ Էրդողանի պատվին տրվելիք ճաշին չի մասնակցելու նաև կանցլեր Անգելա Մերկելը:

Գերմանական իշխանությունները հրաժարվել են նաև տեղի թուրքական համայնքի ներկայացուցիչների հետ հանդիպման համար Էրդողանին դահլիճներ տրամադրել Բեռլին, Դորտմունդ և Քյոլն քաղաքներում:

Աղբյուր` Demokrathaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։