Գերմանիան զգալիորեն նվազեցրել է զենքի ծավալների մատակարարումը Թուրքիային

Ռազմական07:57, 01 Հոկտեմբեր 2018

Գերմանիան զգալիորեն նվազեցրել է զենքի ծավալների մատակարարումը Թուրքիային

Գերմանիայի «Կանաչների» կուսակցության պատգամավոր Օմիդ Նուրիփուրը հարցադրում է արել էկոնոմիկայի և էներգետիկայի նախարարությանը Թուրքիային վաճառված զենքի ծավալների և դրանց արժեքի վերաբերյալ։

Ի պատասխան այդ հարցադրմանը` Գերմանիայի էկոնոմիկայի և Էներգետիկայի նախարարությունը տվյալներ է ներկայացրել։

Ըստ այդմ՝ 2018թ. մարտի 14-ից մինչ օրս Թուրքիային զենքի մատակարարելու ընդամենը 16 թույլտվություն է տրվել՝ ընդհանուր 916.902 եվրո արժողությամբ: Համեմատության համար սույն տարվա հունվարի 1-ից մինչև մարտի 14-ը, 34 նման թույլտվություն էր տրվել՝ ընդհանուր 9.7 մլն եվրո արժողությամբ:

Աղբյուրը տեղեկացնում է, որ 2016թ. Գերմանիան ընդհանուր առմամբ 83մլն 900.000 եվրո արժողությամբ 213 միավոր զենք էր վաճառել Թուրքիային։ Իսկ 2017թ. այդ թիվը արդեն կազմել էր 34 մլն 200.000 դոլար (138 միավոր զենք):

Հիշեցվում է նաև այն փաստը, որ Թուրքիան Աֆրինում Սիրիայի քրդական ուժերի դեմ իրականացված «Ձիթենու ճյուղ» ռազմական օպերացիայի ժամանակ օգտագործել էր գերմանական արտադրության «Լեոպարդ 2» տանկերը։

Աղբյուր` Sputnik

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: