Ռազմական06:17, 02 Հոկտեմբեր 2018
Թուրքիան 2019-ին կարող է ստանալ ևս 2 հատ F-35 կործանիչ
Չնայած թուրք-ամերիկյան հարաբերությունների լարվածությանը, այնուամենայնիվ ԱՄՆ-ն չի բացառում, որ Թուրքիան 2019թ. մարտին կստանա ևս 2 հատ F-35 տեսակի նոր սերնդի կործանիչ։ Թուրքիան 2 նման ինքնաթիռ ստացել էր այս տարվա հունիսին։
«Կարծում ենք, որ 2019թ. մարտին ևս 2 ինքնաթիռ կհանձնվի»,-ասել է «F-35» նախագծի փոխտնօրեն Մեթ Վինթերը և նշել, որ 100 միավոր F-35-ների մատակարարման վերաբերյալ այս պահին դեռ որևէ հստակ բան չկա:
Անդրադառնալով հարցին, թե երբ պետք է Պենտագոնը զեկույց պատրաստի թուրք-ամերիկյան հարաբերությունների մասին, ամերիկացի պաշտոնյան հավելել է, որ այն պատրաստ կլինի առաջիկա 90 օրվա ընթացքում։
Նշենք, որ 90 օրվա ընթացքում Պենտագոնը պետք է Կոնգրեսին ներկայացնի թուրք-ամերիկյան հարաբերությունների ներկայիս վիճակի մասին մանրամասն զեկույց: Դրանում պետք է ներկայացված լինի նաև այն, թե ինչպես կանդրադառնա ռուսական S-400 զենիթահրթիռային ՀՕՊ համակարգերի ռուս-թուրքական գործարքը թուրք-ամերիկյան հարաբերությունների վրա։
ԱՄՆ-ն նախատեսում էր այդպիսի 100 ինքնաթիռ վաճառել Թուրքիային, բայց թուրք-ամերիկյան հարաբերությունների ճգնաժամի պատճառով նախագահ Դոնալդ Թրամփը ժամանակավորապես դադարեցրել է F-35 կործանիչների մատակարարումն Անկարային։
Լարված հարաբերությունների պատճառը հիմնականում այն է, որ Թուրքիան ազատ չի արձակում ամերիկացի հոգևորական Էնդրյու Բրանսոնին, ով մեղադրվում է Թուրքիայում ահաբեկչական կառույցների հետ կապ ունենալու մեջ։ Մյուս պատճառն այն է, որ Թուրքիան Ռուսաստանից պատրաստվում է գնել ռուսական S-400 զենիթահրթիռային ՀՕՊ համակարգերը։
Այս ենթաբաժնի վերջին նորությունները
Թուրքական մամուլում էլ նշվում է, որ Թուրքիան պատրաստվում է 3 օրվա ընթացքում զինտեխնիկան տեղակայել Իրաքյան Քուրդիստանի տարածքում:
Իրաքի ներքին գործերի նախարարությանը կից գործող սահմանապահ ուժերի հրամանատար հայտարարել է, որ Իրանի և Թուրքիայի սահմանների անվտանգությունը բարելավելու նպատակով կգործարկվեն 8 փուլից բաղկացած ծրագրեր։
Ինդոնեզիայում Թուրքիայի դեսպան Թալիփ Քյուչուքջանն անդրադարձել է թուրք-ինդոնեզիական հարաբերություններին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Հաքան Ֆիդանը թուրքական «Haberturk» հեռուստաալիքին հարցացազրույց է տվել:
Թուրքիայի արտգործնախարար Հաքան Ֆիդանը մանրամասներ է ներկայացրել հունիսի 11-ին Ռուսաստանի նախագահի հետ ունեցած հանդիպման վերաբերյալ:
Իրաքի ներքին գործերի նախարարությանը կից գործող սահմանապահ ուժերի հրամանատար հայտարարել է, որ Իրանի և Թուրքիայի սահմանների անվտանգությունը բարելավելու նպատակով կգործարկվեն 8 փուլից բաղկացած ծրագրեր։
Նիկոս Դենդիասը մեկնաբանել է Աթենքի և Անկարայի միջև շարունակվող հարաբերությունների բարելավման գործընթացը։
2024-ի հունիսի 1-ից 21-ն ընկած ժամանակահատվածում գրանցվել է 399 անտառային հրդեհ, իսկ 2023-ի նույն ժամանակահատվածում՝ 84։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |