Թուրքիան ՆԱՏՕ-ի անդամ երկրների հետ նոր ռազմածովային համակարգեր կստեղծի

Ռազմական13:39, 03 Հոկտեմբեր 2018

Թուրքիան ՆԱՏՕ-ի անդամ երկրների հետ նոր ռազմածովային համակարգեր կստեղծի

Թուրքիան մի շարք երկրների հետ պատրաստվում է աշխատել ռազմածովային հեռակառավարվող համակարգերի նախագծի վրա։ Նախագծում բացի Թուրքիայից ներառված են ԱՄՆ-ը, Գերմանիան, Բելգիան, Դանիան, Հոլանդիան, Իսպանիան, Իտալիան, Նորվեգիան, Լեհաստանը, Պորտուգալիան և Հունաստանը։

Առաջիկայում նշված երկրները կստորագրեն նախագծին իրենց մասնակցությունը հաստատող փաստաթուղթը։ Ստորագրման արարողությունը տեղի կունենա ՆԱՏՕ-ի անդամ երկրների պաշտպանության նախարարների հանդիպման շրջանակներում։

Թուրքիայի անունից փաստաթուղթը կստորագրի պաշտպանության նախարար Հուլուսի Աքարը։ Փաստաթուղթն այնուհետև իրավական հիմք կհանդիսանա՝ վերոնշյալ երկրների միջև համագործակցության կազմակերպման, անձնակազմի նշանակման և նախագծի ստանդարտների մշակման համար։

Նախագիծը մի կողմից նպատակ ունի ՆԱՏՕ-ի համար ստեղծել նոր, բարձրորակ հեռակառավարվող ռազմածովային համակարգեր, մյուս կողմից լայն համագործակցության շնորհիվ թույլ կտա երկրներին խուսափել ավելորդ ծախսերից։

Հեռակառավարվող ծովային համակարգերում ռոբոտային համակարգերի ներդրման շնորհիվ հնարավոր կլինի խուսափել ռազմական իրավիճակներում մարդկանց կյանքին սպառնացող հնարավոր ռիսկերից։

Աղբյուր` Anadolu Ajansı

Այս ենթաբաժնի վերջին նորությունները

12:06, 27 նոյ

Թուրքիան Bayraktar անօդաչու թռչող սարքեր կմատակարարի Բոսնիա և Հերցեգովինային

Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: