Արժույթի միջազգային հիմնադրամը Թուրքիայի տնտեսական աճի հավանականությունը ցածր է գնահատում

Տնտեսական11:59, 09 Հոկտեմբեր 2018

Արժույթի միջազգային հիմնադրամը Թուրքիայի տնտեսական աճի հավանականությունը ցածր է գնահատում

Արժույթի միջազգային հիմնադրամը (ԱՄՀ) ներկայացրել է Թուրքիայի տնտեսական աճի վերաբերյալ իր կանխատեսումները: 2018 թ. համար կանխատեսվել էր 4.2% տնտեսական աճ, սակայն այժմ 3.5% է կանխատեսվում: Իսկ 2019 թ. համար ավելի վաղ կանխատեսված 4% աճի հավանականությունն այս պահին Արժույթի միջազգային հիմնադրամը գնահատում է 0.4%:

Համաշխարհային տնտեսության դիտարկման զեկույցում Թուրքիայի վերաբերյալ տրված գնահատականներում նշվում է, որ տնտեսական աճի հավանականությունը նվազել է թուրքական լիրայի արժեզրկման և անկայուն վիճակի, արտաքին պարտքի ավելացման, ներդրումների տեսանկյունից անորոշության ավելացման և այլ պատճառներով:

Ընդգծվել է նաև այն հանգամանքը, որ Թուրքիայի տնտեսությունը շարունակում է զգայուն մնալ աշխարհաքաղաքական ռիսկերի և անկանխատեսելի զարգացումների նկատմամբ: Զեկույցում Թուրքիայի տնտեսության համար կանխատեսվում է գնաճ (ինֆլյացիա), բյուջեյի դեֆիցիտ և գործազրկության մակարդակի ավելացում: