Քաղաքական12:44, 09 Հոկտեմբեր 2018
Գերմանիայում և Ավստրիայում ցանկանում են օրենքով արգելել «Գորշ գայլերի» նշանը ցույց տալը
Գերմանիայում և Ավստրիայում որոշ կուսակցություններ ցանկանում են օրինագիծ ներկայացնել խորհրդարան, որով կարգելվի իրենց երկրների տարածքում ցույց տալ թուրքական ծայրահեղական «Գորշ գայլեր» կազմակերպության և «Մուսուլման եղբայրներին» աջակցող «Ռաբիա» նշանը:
Գերմանիայում նման կոչ է արել «Քրիստոնյա-դեմոկրատական միություն» (CDU) կուսակցության խոսնակ Քրիստոֆ դե Վրայը։ «Ձախերի» կուսակցության խորհրդականական խմբակցության նախագահի պաշտոնակատար Սևիմ Դաղդելենն էլ ասել է.
«Գերմանիայում ամենամեծ ծայրահեղ աջակողմյան և հակասահմանադրական կազմակերպություններից մեկի՝ «Գորշ գայլերի» նշանը կարելի է համամեմատել Հիտլերին ողջունելու նշանի հետ։ Այդ իսկ պատճառով անհապաղ պետք է արգելել այն»։
Իսկ Ավստրիայի «Ազատություն» կուսակցության առաջնորդ Հայնց Քրիստիան Շտրախեն Ավստրիայի ներքին գործերի նախարարությանն առաջարկել է, որ «Քուրդիստանի բանվորական կուսակցության» (ՔԲԿ-PKK), «Մուսուլման եղբայրներ» և «Համաս» կազմակերպությունների նշանների հետ մեկտեղ արգելվի նաև «Գորշ գայլերի» նշանը։ Ավստրիայում վերջիններիս նշանը ցույց տալու համար նախատեսվում է 4000 եվրո տուգանք սահմանել։
Թուրքական աղբյուրը հիշեցնում է, որ Թուրքիայի նախագահ Ռեջեփ Թայիփ Էրդողանը Գերմանիայի Քյոլն քաղաք կատարած վերջին այցի ժամանակ թուրքական համայնքի հետ հանդիպման ընթացքում ցույց էր տվել թե՛ «Գորշ գայլերի» և թե՛ «Ռաբիա» նշանը։
Այս ենթաբաժնի վերջին նորությունները
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Հանդիպման օրակարգի վերաբերյալ մանրամասներ չեն հաղորդվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |