Միջազգային09:49, 12 Հոկտեմբեր 2018
Ստամբուլը ճանաչվել է Թուրքիայի ամենավտանգավոր, Էսքիշեհիրը՝ ամենից անվտանգ քաղաքը
Լրատվամիջոցների ուսումնասիրությամբ և մեդիա վերլուծություններով զբաղվող «PRNet» գործակալությունը կազմել է աշխարհի ամենավտանգավոր և անվտանգ քաղաքների ցանկը։ Ուսումնասիրության համար հիմք են ընդունվել «Numbeo» վիճակագրական ընկերության տվյալներն ու մամուլում տեղ գտած հրապարակումները։
Աշխարհի ամենաապահով քաղաք է ճանաչվել Միացյալ Արաբական Էմիրությունների մայրաքաղաք Աբու Դաբին։ Այս քաղաքում հանցագործությունների մակարդակը կազմում է ընդամենը 11․74 տոկոս։ Երկրորդ տեղում Կատարի մայրաքաղաք Դոհան է (13.11 տոկոս)։ Երրորդ հորիզոնականում Ճապոնիայի Օսակա շրջանն է, որտեղ հանցագործությունների մակարդակը կազմում է 13․79 տոկոս։
Ուսումնասիրության համաձայն՝ ամենից շատ հանցագործությունները կատարվում են Հոնդուրասի Սան Պեդրո Սուլա քաղաքում (85․18 տոկոս)։
Ուսումնասիրությունն ընդգրկում է աշխարհի 338 քաղաք։ Այս ցանկում Ստամբուլը ճանաչվել է Թուրքիայի ամենավտանգավոր, իսկ Էսքիշեհիրը՝ ամենաանվտանգ քաղաք։ Ստամբուլում հանցագործությունների մակարդակը կազմում է 49․83 տոկոս, Էսքիշեհիրում՝ ընդամենը 18․36 տոկոս։ Գործակալությունն ուսումնասիրել է նաև Թուրքիայի այլ քաղաքների անվտանգության մակարդակը։ Մանավորապես պարզվել է, որ մայրաքաղաք Անկարայում հանցագործությունների մակարդակը կազմում է 42․76 տոկոս, Իզմիրում՝ 27․16, Բուրսայում՝ 22․96 տոկոս։
Ուսումնասիրությամբ պարզվել է նաև, որ 2018թ․ անվտանգության և հանցագործությունների թեմայով մամուլում ընդհանուր առմամբ 317․737 լուր է տեղ գտել, որոնցում ամենից հաճախ խոսվում է գողության, բռնության, բռնաբարության և առողջությանը վնաս հասցնելու հանցագործությունների մասին։
Այս ենթաբաժնի վերջին նորությունները
Ըստ Թուրքիայի ազգային ժողովի պաշտպանության հանձնաժողովի նախագահի՝ Սիրիայում կարգուկանոն հաստատվելուց հետո Թուրքիան կարող է ծովային իրավասության քայլեր ձեռնարկել։
Նշվում է, որ Թուրքիայի ռազմական մոբիլիզացիան նման է 2019-ի Սիրիայի հյուսիս-արևելքում ռազմական գործողություններից առաջ տիրող իրավիճակին։
Թուրքիան կոչ է արել միջազգային հանրությանը վճռաբար արձագանքել Իսրայելի գործողություններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Pros&Cons» անվտանգության և ռիսկերի վերլուծական կենտրոնի տնօրեն, պրոֆեսոր Սերհաթ Էրքմենն անդրադարձել է Սիրիայում տիրող իրավիճակին:
Սիրիայում Թուրքիայի ազդեցությունն աճել է՝ նվազեցնելով Իրանի և Ռուսաստանի դերը:
Օրակարգում են եղել Սիրիայի անվտանգությանը վերաբերող հարցեր:
Կասկածյալը ձերբակալվել է Սամսունի մարզային ոստիկանության անվտանգության ստորաբաժանման կողմից իրականացված օպերացիայի ընթացքում:
Ըստ Թուրքիայի պաշտպանության նախարարության մամուլի և հասարակայնության հետ կապերի խորհրդականի՝ Անկարան աջակցում է սիրիական միասնական բանակի ստեղծմանը և Սիրիայում նոր վարչակազմի գործադրած ջանքերին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |