Իրավական06:15, 12 Հոկտեմբեր 2018
Թուրքիայում մեկնարկում է ամերիկացի հոգևորականի գործով 4-րդ դատական նիստը (լուսանկարներ)
Հոկտեմբերի 12-ին Թուրքիայի Իզմիր քաղաքում մեկնարկում է տևական ժամանակ անազատության մեջ գտնվող ամերիկացի հոգևորական Էնդրյու Բրանսոնի գործով 4-րդ դատական նիստը։ Բրանսոնին սպառնում է մինչև 35 տարվա ազատազրկում։
Նա մեղադրվում է Թուրքիայում ահաբեկչական համարվող կառույցների («Ֆեթուլլահական ահաբեկչական կազմակերպության» (FETÖ-Գյուլենական համայնք) և «Քուրդիստանի բանվորական կուսակցության» (PKK-ՔԲԿ) հետ կապ ունենալու և լրտեսություն անելու մեջ: Բրասոնի ձերբակալությունը դիվանագիտական ճգնաժամ էր առաջացրել Թուրքիայի և ԱՄՆ-ի միջև: ԱՄՆ-ն մի շարք պատժամիջոցներ է կիրառել Թուրքիայի նկատմամբ։ Մի քանի ամիս առաջ առողջական խնդիրների պատճառով թուրքական դատարանը որոշել էր Բրանսոնի նկատմամբ սահմանել տնային կալանք։
Արդեն հայտնի է, որ վաղ առավոտյան Բրանսոնը ոստիկանների հատուկ հսկողությամբ տեղափոխվել էր Իզմիրի դատարան, որտեղ և տեղի է ունենալու նիստը։
Դատալսումից առաջ Բրանսոնի հետ հանդիպել է Թուրքիայում ԱՄՆ-ի դեսպանատան բարձրաստիճան պաշտոնյա Ջեֆրի Հովենիերը։ Զրույցը տևել է 45 րոպե։ Զրույցից հետո ամերիկացի պաշտոնյան հրաժարվել է լրագրողների հետ խոսել և որևէ մանրամասներ չի հաղորդել։
Հայտարարություն է արել ԱՄՆ-ի պետքարտուղարության խոսնակ Հիթեր Նոյերթը։ Նա հերքել է ամերիկյան NBC հեռուստաալիքի առաջ քաշած այն պնդումը, թե ԱՄՆ-ի և Թուրքիայի միջև Բրանսոնի հարցում կա որևէ պայմանավորվածություն։ Ըստ NBC-ի՝ այսօր կայանալիք դատական նիստի ժամանակ հնարավոր է որոշ մեղադրանքներ հանվեն Բրանսոնի վրայից։ Ավելին, ամերիկյան հեռուստաալիքը նշել է, որ դրանից հետո Բրանսոնը ազատ է արձակվելու և վերադառնալու է հայրենիք։
Հայտնի է նաև, որ նմանատիպ պնդում էր քաշել ամերիկյան «The Wall Street Journal»-ը։ Ըստ վերջինիս` Բրանսոնի ազատարձակման դիմաց Վաշինգտոնը պարտավորվելու է վերացնել այն պատժամիջոցները, որոնք սահմանվել էին Բրանսոնին ազատ չարձակելու պատճառով։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |