Թուրքիայից փախած լրագրողների և Բունդեսթագի անդամների միջև ֆուտբոլային հանդիպում կանցկացվի

Քաղաքական12:19, 12 Հոկտեմբեր 2018

Թուրքիայից փախած լրագրողների և Բունդեսթագի անդամների միջև ֆուտբոլային հանդիպում կանցկացվի

Բունդեսթագի անդամներից բաղկացած թիմը ընկերական ֆուտբոլային հանդիպում կանցկացնի բռնաճնշումների հետևանքով Թուրքիայից փախած լրագրողների հետ։ Հանդիպումը կայանալու է Բեռլինում։ Խաղի անցկացման նպատակն է աջակցել Թուրքիայում մամուլի ազատությանը։ Առայժմ խաղի օրը հայտնի չէ։

Հետքրքրական է, որ թուրք լրագրողների թիմում ընդգրկված է նաև պոլսահայ ընդդիմադիր հայտնի լրագրող Հայկո Բաղդատը։ Հանդիպմանը կմասնակցեն նաև թուրքական «Cihan» լրատվական գործակալության նախկին փոխտնօրեն Մուստաֆա Քըլըչը, ընդդիմադիր թուրք լրագրող Հարուն Օդաբաշը, ինչպես նաև 20-րդ դարի թուրք հայտնի գրող, երգիծաբան Ազիզ Նեսինի որդին՝ Ահմեթ Նեսինը, ով նույնպես գրող է։

Միջոցառման անցկացումը համարվում է սկանդալային, քանի որ ըստ թուրքական աղբյուրի՝ Թուրքիայից փախած լրագրողները կապեր ունեն Թուրքիայում ահաբեկչական համարվող գյուլենական համայնքի հետ։

Հայտնի է, որ Բունդեսթագի անդամներից բաղկացած թիմը կարևոր դեր է խաղում Գերմանիայում։ Տարվա ընթացքում թիմը 20 նման հանդիպում է անցկացնում։ Ամեն հանդիպումը հետապնդում է որոշակի նպատակ, այդ թվում և` դիվանագիտական։ Նախորդ տարի նմանատիպ հանդիպում էր եղել նաև ռուս դիվանագետների և քաղաքագետների հետ։ Նպատակը երկու երկրների հարաբերություններն ամրապնդելն էր։

Թուրքական աղբյուրը չի հաղորդում, թե Բունդեսթագի թիմում, ովքեր են հանդես գալու։ Հայտնի է, որ Բունդեսթագում կան ազգությամբ թուրք մի քանի պատգամավոր, որոնցից է «Կանաչների» կուսակցության՝ ներկայացուցիչ Ջեմ Օզդեմիրը։

Աղբյուր` Haber 7

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։