Էրդողանը հուսով է, որ Բրանսոնի ազատ արձակումը կնպաստի ԱՄՆ-ի հետ հարաբերությունների կարգավորմանը

Իրավական06:09, 15 Հոկտեմբեր 2018

Էրդողանը հուսով է, որ Բրանսոնի ազատ արձակումը կնպաստի ԱՄՆ-ի հետ հարաբերությունների կարգավորմանը

Թուրքիայի նախագահ Ռեջեփ Թայիփ Էրդողանը պատասխանել է ԱՄՆ-ի նախագահ Դոնալդ Թրամփին, ով իր Twitter-ի էջում գրառում էր կատարել այն բանից հետո, երբ Թուրքիայում հոկտեմբերի 12-ին ազատ արձակվեց ամերիկացի հոգևորական Էնդրյու Բրանսոնը։

Թրամփն իր էջում Բրանսոնի ազատ արձակման մասին մի քանի գրառում էր արել: Առաջինում մասնավորապես ասել էր.

«Մենք շատ ջանք թափեցինք հոգևորական Բրանսոնի հարցում։ Իմ մտքերն ու աղոթքները հոգևորական Բրանսոնի հետ էին։ Հուսով ենք, որ նա շուտով անվտանգ կվերադառնա տուն»։

Իսկ հաջորդ գրառման մեջ Թրամփը, շնորհակալություն հայտնելով Էրդողանին, նշել էր.

«Ազատ արձակված Բրանսոնը կեսօրից հետո կլինի ինձ մոտ։ Նա հրաշալի քրիստոնյա է, ով անցավ դժվար փորձությամբ։ Շնորհակալություն եմ հայտնում Թուրքիայի նախագահ Էրդողանին օգնության համար»։

Ի պատասխան Թրամփի վերոնշյալ գրառմանը՝ Էրդողան Twitter-ում գրել է. «Հարգելի Թրամփ, ինչպես մենք նշել էինք, Թուրքիայի դատաիրվական համակարագն անկախ որոշում կայացրեց։ Հուսով եմ, որ ԱՄՆ ու Թուրքիան կշարունակեն համագործակցել, ինչպես հարիր է երկու դաշնակիցներին։ Հուսով եմ, որ Թուրքիան և ԱՄՆ-ն կշարունակեն պայքար մղել ահաբեկչական կազմակերպությունների՝ այդ թվում «Քուրդիստանի բանվորական կուսակցության», «Իսլամական պետության» և գյուլենական համայնքի դեմ։

Աղբյուր` Ermenihaber

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։