Թուրք ազգայնականները քննադատել են Էրդողանին ամերիկացի հոգևորականի ազատ արձակման համար

Քաղաքական10:06, 16 Հոկտեմբեր 2018

Թուրք ազգայնականները քննադատել են Էրդողանին ամերիկացի հոգևորականի ազատ արձակման համար

Թուրքիայում ամերիկացի հոգևորական Էնդրյու Բրանսոնի ազատ արձակումը դժգոհություն է առաջացրել թուրք ազգայնականների շրջանում։ Թուրքիայի «Ազգայնական շարժում կուսակցության» (ԱՇԿ-MHP) նախագահ Դևլեթ Բահչելին Բրանսոնի ազատ արձակման վերաբերյալ քննադատել է Թուրքիայի իշխանություններին։

Դժգոհության պատճառն այն է, որ ըստ Բահչելիի՝ Թուրքիայի նախագահն իր խոստումը չի պահել, ըստ որի, եթե Բրանսոնը ազատ արձակվեր, ապա դրա դիմաց ԱՄՆ-ն Թուրքիային պետք է արտահանձներ իսլամի քարոզիչ, ամերիկաբնակ միլիարդատեր Ֆեթուլլահ Գյուլենին, ում թուրքական իշխանությունները մեղադրում են 2016թ. ռազմական հեղաշրջման փորձը նախաձեռնելու մեջ։

«ԱՄՆ-ում ապրող Գյուլենին ինչո՞ւ չենք կարողանում ստանալ, չէ՞ որ ԱՄՆ-ին ասացինք «տվեք այդ հոգևորականին և կստանաք ձեր հոգևորականին։ Մեր խոսքը խոսք է։ Փենսիլվանիայում ապրող հոգևորականը (Գյուլենը) ե՞րբ է արտահանձնվելու։ «Halk» բանկի փոխտնօրեն Հաքան Աթիլլան, ե՞րբ է արտահանձնվելու։ Այստեղ հարցը Թուրքիայի նկատմամբ հարգանքն է։ Մենք պահանջում ենք, որ Գյուլենն արտահանձնվի և սպասում ենք, որ նրան մեզ տան։ Այժմ տեսնենք, թե արտարժույթի ճակատագին ի՞նչ է լինելու։ Արդյո՞ք գնաճը նախկինի պես կլինի։ Մենք կհետևենք զարգացումներին»։

Բահչելիի դժգոհությունն է առաջացրել նաև փաստը, որ ամերիկացի հոգևորականի վերջին նիստի ժամանակ վկաներից 3-ը փոխել են իրենց ցուցմունքը, որն էլ վճռորոշ դեր է խաղացել Բրանսոնի ազատ արձակման հարցում։

Ազգայնական գործիչը հարցադրում անելով Թուրքիայի իշխանություններին՝ նշել է թե «Բրանսոնի վերաբերյալ կայացրած որոշումը որքան անկողմնակալ և անկախ է»։

Ի դեպ, ուշագրավ է, որ Բահչելի նման քննադատություն է հնչեցնում իշխանությունների հասցեին այն դդեպքում, երբ Թուրքիայի վերջին արտահերթ խորհրդարանական ընտրություններին իր կուսակցությունն Էրդողանի իշխող «Արդարություն և զարգացում» կուսակցության հետ դաշինք կազմած էր մասնակցում։

Աղբյուր` Diken

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։