Թուրք լրագրողը անդրադարձել է փոքրամասնությունների կողմից իրականացվող «Կողք կողքի» ծրագրին

Մշակութային13:20, 17 Հոկտեմբեր 2018

Թուրք լրագրողը անդրադարձել է փոքրամասնությունների կողմից իրականացվող «Կողք կողքի» ծրագրին

Թուրքական «Haberturk» լրատվական կայքի լրագրողներից Նագեհան Ալչըն իր սյունակում անդրադարձել է Թուրքիայում փոքրամասնությունների կողմից իրականացվող «Կողք կողքի» (YanYana) ծրագրին: Ալչըն հարցազրույց է ունեցել «Փոքրամասնությունների համայնքներ հիմնադրամի» ներկայացուցիչ, ազգությամբ հույն Լաքի Վինգասի հետ:

Վինգասի փոխանցմամբ` «Կողք կողքի» ծրագրի նպատակն է .ուսանողությանը ծանոթացնել Թուրքիայում ապրող փոքրամասնություններին, նրանց տարբեր մշակույթները, ինչպես նաև կոտրել նրանց ` ոչ մուսուլմանների նկատմամբ ունեցած բացասական կարծրատիպերը:

Այս ծրագրի շուրջ աշխատանքներ են իրականացվում իրականացվում են Ստամբուլում, Սամսունում, Էսքիշեհիրում, Գազիանթեփում և Կայսերիում:

Լրագրողի կարծիքով` աշխատանքները Թուրքիայի ոչ միայն 6, այլև 81 նահանգներում պետք է իրականացվեն:

Ծրագրին աջակցում են «Բոյաջըքյոյ Սուրբ Երից Մանկանց» հայկական եկեղեցական հիմնադրամը, «Մալաթիահայերի միությունը», «Շալոմ»(խմբ.`ասորական) թերթը, Ստամբուլի ասորական հիմադրամը և «Հունական համայնքային հիմնադրամների աջակցության միությունը»:

Վինգասը, անդրադառնալով հանրապետական Թուրքիայի ժամանակաշրջանում,մասնավորապես հայերի և հույների նկատմամբ իրականացված խտրական քաղաքականությանը, ասել է. «Հայերն ու հույները բազում զրկանքներ են կրել և հատկապես այս հողերում գոլորշիացել: Սակայն չպետք է մոռանալ, որ շատ մշակութային, կրոնապաշտ, ինչպես նաև խայտաբղետ հասարակություն ենք: Այդ գույները` որպես այս հողերի գլխավոր տարրեր դեռևս մեր մեջ են ապրում: Սա հիշելու համար շատ կարևոր է «Կողք կողքի» ծրագիրը , որի նպատակն է` վերացնել վախը և անտեղյակությունը, ինչպես նաև մարդկանց մեջ սերմանել բազմակարծություն»:

Աղբյուր` Haberturk

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։