Իրավական13:46, 19 Հոկտեմբեր 2018
Թուրքիայի դպրոցներում «աշակերտի երդումը» վերականգնելու մասին որոշում է կայացվել
Թուրքիայի պետական խորհուրդը (պետական կառավարման ոլորտի առաջացող վեճերը կարգավորող բարձրագույն վարչական դատարան-խմբ.) որոշում է կայացրել երկրի տարրական դպրոցներում վերականգնել «աշակերտի երդում»-ը: Որոշումը կայացվել է Թուրքական կրթական արհմիության դիմումի հիման վրա:
Արհմիությունը դիմումի մեջ պետխորհրդից պահանջել է չեղյալ համարել 2013 թվականին կրթության մասին օրենքում կատարված այն փոփոխությունը, որով հանվել է տարրական դպրոցներում ամեն օր դասերը սկսելուց առաջ բոլոր երեխաների կողմից ռասիստական «երդման» տեքստի պարտադիր արտասանությունը:
Փոփոխությունը իրականացվել էր 2013 թվականին Եվրամիության պահանջով էրդողանի նախաձեռնած Թուրքիայի «դեմոկրատացման փաթեթի» ընդունման շրջանակներում:
Մինչ այդ Թուրքիայի դպրոցներում սովորող բոլոր աշակերտներին (անկախ ազգային պատկանելությունից) ստիպում էին ամեն օր դասերը սկսելուց առաջ արտասանել «Թուրք եմ, ճիշտ եմ, աշխատասեր եմ» բառերով սկսվող երդման տեքստը:
Երդման արտասանությունը կրկին պարտադիր դարձնելու մասին պետխորհրդի որոշումը, որը դեռևս կարելի է բողոքարկել, ոչ միանաշանակ ռեակցիայի է արժանացել Թուրքիայում:
Բարձրացած աղմուկի ֆոնին երկրի կրթության նախարարությունը հայտարարություն է տարածել՝ շեշտելով, որ որոշումը վերջնական չէ, ուժի մեջ չի մտել և հնարավոր է բողոքարկել:
Որոշումը դատապարտող հայտարարությամբ է հանդես եկել Թուրքիայի արդարադատության նախարար Աբդուլհամիթ Գյուլը: Վերջինս նշել է, որ պետական խորհուրդը անցել է իր իրավասության սահմանները և կայացրել մի որոշում որն իրեն վերագրված չէ սահամանդրությամբ: Պետխորհրդի որոշումը ոգևորությամբ է ընդունել Էրդողանի գլխավորած իշխանական «Արդարություն և զարգացում կուսակցության» (AKP-ԱԶԿ) հետ կոալիցիոն հարաբերություններ մեջ գտնվող «Ազգայնական շարժում կուսակցություն» (MHP-ԱՇԿ): ԱՇԿ-ի՝ «Թվիթերի» պաշտոնական էջում հայտնվել է «աշակերտի երդման» վերջաբանը՝ «Երջանիկ է նա, ով ասում է՝ թուրք եմ»:
«Երդումը» 1933թ. գրել է ընդամենը տասնութ ամիս կրթության նախարարի պաշտոնը զբաղեցրած Ռեշիթ Գալիփը: 1934-ից մինչև 2013 թվականը Թուրքիայի բոլոր տարրական դպրոցներում, այդ թվում՝ հայկական, այն ամեն առավոտ բարձրաձայն արտասանվում էր բոլոր աշակերտների կողմից:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |