«Guardian» թերթի լրագրող. «Էրդողանը սաուդցիներին անելանելի դրության մեջ է դրել»

Քաղաքական13:30, 23 Հոկտեմբեր 2018

«Guardian» թերթի լրագրող. «Էրդողանը սաուդցիներին անելանելի դրության մեջ է դրել»

Անգլիական «Guardian» թերթի «Միջին Արևելք» բաժնի խմբագիր Մարտին Չուլովն իր հոդվածում անդրադարձել է սաուդցի լրագրող Ջեմալ Խաշոկջիի սպանությունից հետո թուրք-սաուդական հարաբերություններին:

Չուլովը գրում է. «Եթե Էրդողանը հավատարիմ մնա իր խոսքին, ապա կհրապարակվի փաստերի մեծ մասը, այդ թվում նկարներ, տեսանյութեր և նույնիսկ ձայնագրություն, որտեղ ցույց կտրվի, որ դրանք հավաքել է Թուրքիան, իսկ Խաշոկջիի սպանությունը ծրագրել է Սաուդյան Արաբիան»:

Լրագրողը նշում է, որ Էրդողանը սաուդցիներին անելանելի դրության մեջ է դրել և օգտվել ճգնաժամից:

Չուլովի բնորոշմամբ` երկու ղեկավարներն էլ այլ մոտեցում ունեն Միջին Արևելքի հարցում: Նա հիշեցրել է այն օրինակը, երբ Եգիպտոսի նախկին վարչապետ Մուհամադ Մուրսիի իշխանության ավարտից հետո Թուրքիան մտերմացավ Կատարի հետ և դռները բացեց փախստականների առաջ:

Ըստ հոդվածի հեղինակի՝ արքայազն Մուհամեդը սկսեց նոր շունչ հաղորդել Սաուդյան Արաբիային: Իսկ Մուրսիի պաշտոնավարության ավարտից հետո հաղթող կողմ ճանաչվեց Սաուդյան Արաբիա-Եգիպտոս-Արաբական Միացյալ Էմիրություններ (ԱՄԷ) եռյակը:

Չուլովի խոսքով` Խաշոկջիի սպանությունը պատմական իրողություն է, որը Էրդողանին հնարավորություն տվեց իրավիճակ փոխել:

Աղբյուր` Sozcu

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։