Դիարբեքիրում թանգարանի լոգոն կուռքի են նմանեցրել և կոտրել

Մշակութային11:40, 24 Հոկտեմբեր 2018

Դիարբեքիրում թանգարանի լոգոն կուռքի են նմանեցրել և կոտրել

Թուրքիայում քաղաքացիները կուռքի են նմանեցրել Դիարբեքիրի թանգարանի լոգոն, ինչի պատճառով այն պարբերաբար հարձակումների է ենթարկվում։

Լոգոն ներառում է Դիարբեքիրի «Körtik Tepe» անվամբ հայտնի հնավայրից պեղված քանդակը, որում ինչ-որ անհայտ արարած է պատկերված։

Թանգարանի աշխատակիցների վկայությամբ՝ լոգոն քաղաքացիների կողմից հարձակման է ենթարկվել և կոտրվել։ Տնօրինությունը վերականգնել է լոգոյում տեղ գտած պատկերը, սակայն այն երկրորդ անգամ են կոտրել։

Հարցին, թե ինչու են կոտրում քանդակը, ակտիվիստները պատասխանել են, որ այն «կուռքի է նման և մեղք է»։ Դրանից հետո լոգոն տեղափոխվել է թանգարանի բակ։

Դիարբեքիրի թանգարանում ցուցադրված է 29․270 հնագիտական նմուշ՝ սկսած վաղ բրոնզի դարից մինչև օսմանյան ժամանակները։ Այստեղ հնարավոր է գտնել ուրարտական, ասորական, հելլենիստական, հռոմեական, բյուզանդական և սելջուկյան ժամանակաշրջաններին պատկանող գտածոներ։

Աղբյուր` demokrathaber.org

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։