Չավուշօղլուն. «Մեզ մտահոգում է, որ Թուրքիայում հեղաշրջման փորձ արած մարդը գտնվում է ԱՄՆ-ում»։

Քաղաքական08:29, 26 Հոկտեմբեր 2018

Չավուշօղլուն. «Մեզ մտահոգում է, որ Թուրքիայում հեղաշրջման փորձ արած մարդը գտնվում է ԱՄՆ-ում»։

Թուրքիայի արտաքին գործերի նախարար Մևլութ Չավուշօղլուն մասնակցել է «Թուրքիայի արտաքին քաղաքականության տեսալականը» անվամբ կոնֆերանսին, որի ընթացքում խոսել է մի շարք օրակարգային հարցերի մասին։

Նա անդրադարձել է Թուրքիայի իշխանությունների կողմից մեղադրվող և հետապնդվող ամերիկաբնակ իսլամի քարոզիչ, թուրք միլիարդատեր Ֆեթուլլահ Գյուլենի հարցին, թուրք-ամերիկյան հարաբերություններին, ինչպես նաև Անկարայի կողմից ահաբեկչական համարվող կազմակերպություններին։

Թուրքիայի ԱԳՆ-ի ղեկավարը նշել է, որ իրենք սկսել են Գյուլենի հանցանքն ապացուցող փաստերը ներկայացնել ԱՄՆ-ի Հետաքննությունների դաշնային բյուրոյին (FBI)։

«ԱՄՆ-ն հասկացավ, որ համառություն դրսևորելով Թուրքիայից չի կարող ինչ-որ բան ստանալ։ Թուրք-ամերիկյան հարաբերությունների լարվածության պատճառը ամերիկացի հոգևորական Բրանսոնը չէր։ Պատճառն այն էր, որ ԱՄՆ-ն դրական չի արձագանքում գյուլենական համայնքի վերաբերյալ մեր պահանջներին։ Մեզ անհանգստացնում է այն փաստը, որ Թուրքիայում ռազմական հեղաշրջման փորձ իրականացրած մարդը գտնվում է ԱՄՆ-ում։ Մենք սկսել ենք Գյուլենի մեղքը ապացուցող փաստեր ներկայացնել ԱՄՆ-ի Հետաքննությունների դաշնային բյուրոյին։ Բացի միջազգային պայմանագրերից մենք ԱՄՆ-ի հետ ևս ունենք պայմանագիր։ Գյուլենական համայնքի առաջնորդին ինչո՞ւ մեզ չեք հանձնում»,- ասել է Չավուշօղլուն։

Վերջինս ԱՄՆ-ին մեղադրել է Թուրքիայում ահաբեկչական համարվող «Քուրդիստանի բանվորական կուսակցությանը» (ՔԲԿ-PKK) և Սիրիայի քրդական ուժերին աջակցելու մեջ։

Հիշեցնենք, որ Թուրքիայի իշխանությունները Գյուլենին մեղադրում են 2016թ. ռազմական հեղաշրջման փորձը նախաձեռնելու մեջ։ Անկարան շուրջ 2 տարի ԱՄՆ-ից պահանջում է արտահանձնել Գյուլենին, սակայն մինչ օրս նրանց պահանջը չի բավարարվել։

Աղբյուր` Doğan

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։