Իրավական10:35, 26 Հոկտեմբեր 2018
Սաուդյան Արաբիայի գլխավոր դատախազը սպանված լրագրողի գործով կմեկնի Թուրքիա
Սաուդյան Արաբիայի գլխավոր դատախազը հոկտեմբերի 2-ին Ստամբուլում սաուդական հյուպատոսարանում սպանված արաբ ընդդիմադիր լրագրող Ջեմալ Խաշոկջիի (Քաշըքչը) գործով կմեկնի Թուրքիա: Այս մասին տեղեկացրել է Թուրքիայի նախագահ Ռեջեփ Թայիփ Էրդողանը շրջանների ղեկավարների հետ հանդիպմանը ունեցած ելույթի ժամանակ:
Էրդողանը ծիծաղելի է համարել ավելի վաղ սաուդական կողմի արած հայտարարություններն առ այն, որ լրագրողը դուրս է եկել հյուպատոսարանի շենքից:
«Այդ մանկամիտ հայտարարությունները պետության լրջության հետ, մարդկայնության հետ անհամադրելի են: Արդեն պարզ է, որ սպանվել է: Նրանք պետք է ցույց տան դիակը: Ասում են՝ այստեղից դուրս է եկել: Մենք էլ ասում ենք՝ ապացուցեք: Կիրակի օրը Սաուդյան Արաբիայի գլխավոր դատախազը Ստամբուլում հանդիպելու է մեր գլխավոր դատախազին: Հանդիպմանը կքննարկվեն սպանության հետ կապված հարցեր»,- ասել է Էրդողանը:
Նշենք, որ օրեր առաջ ՄԱԿ-ը հայտարարել էր, որ Թուրքիայի կողմից հետաքննություն սկսելու պաշտոնական դիմում ներկայացվելու դեպքում կառույցը պատրաստ է քննարկել դրա հնարավորությունները:
Հիշեցնենք, որ հոկտեմբերի 2-ին Սաուդյան Արաբիայի վերաբերյալ քննադատական հոդվածներով հայտնի լրագրող, ամերիկյան «Washington Post» թերթի թղթակից Ջեմալ Խաշոկջին մուտք է գործել Ստամբուլում Սաուդյան Արաբիայի հյուպատոսարանի շենք և այնտեղից դուրս չի եկել:
Սկզբում ենթադրվում էր, որ Խաշոկջին ձերբակալված պահվում էր Ստամբուլում հյուպատոսարանի շենքում, սակայն օրեր անց արդեն սկսեց շրջանառվել վերջինիս սպանված լինելու վարկածը:
Թուրքական ոստիկանության սկսած հետաքննության արդյունքուն հաստատվեց սպանության վարկածը, ինչից հետո Սաուդյան Արաբիան նույնպես ընդունեց լրագրողի սպանվելու հանգամանքը:
Նշվում է, որ Սաուդյան Արաբիայի քաղաքացի հանդիսացող Խաշոկջին հյուպատոսարան էր այցելել ամուսնալուծության վերաբերյալ փաստաթղթերը վերցնելու նպատակով:
ԱՄՆ-ում բարձրագույն կրթություն ստացած Խաշոկջին աշխատել է տարբեր սաուդական լրատվամիջոցներում՝ մշտապես հանդես գալով իշխանություններին քննադատող հոդվածներով: Իր երկրում հետապնդումների ենթարկված լրագրողը վերջին շրջանում թղթակցում էր ամերիկյան «Washington Post» թերթին, որտեղ նույնպես հանդես էր գալիս Սաուդյան Արաբիայի իշխանություններին քննադատող հոդվածներով:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |