Թուրք լրագրող. «Ի՞նչ է, Թուրքիան գնալով մոտենում է Կիպրոսի՞ն»

Հասարակական10:35, 29 Հոկտեմբեր 2018

Թուրք լրագրող. «Ի՞նչ է, Թուրքիան գնալով մոտենում է Կիպրոսի՞ն»

Հյուսիսային Կիպրոսի ինքնահռչակ թուրքական հանրապետության Գիրնե քաղաքում արված լուսանկարը, որում երևում են Տավրոսի լեռները, քննարկման նյութ է դարձել սոցցանցերում:

Աղբյուրի համաձայն` սոցցանցերում մեծ հետաքրքրություն առաջացրած լուսանկարով կիսվել են բազմաթիվ օգտատերեր: Լուսանկարում երևում են քաղաքից 80կմ հեռավորության վրա գտնվող Տավրոսի լեռները:

Օգտատերերից մեկը լուսանկարը հետևյալ կերպ է մեկնաբանել. «Մեր հայրենիքը` Թուրքիան, պարզ երևում է», իսկ պատգամավոր Էրսին Թաթարը գրել է. «Մեր Թուրքիայի Թորոսի լեռները պարզ տեսանելի են»:

Թուրք լրագրողներն իրենց մեկնաբանություններում նշել են. «Ի՞նչ է, Թուրքիան գնալով մոտենում է Կիպրոսի՞ն», «Ոմանց դուր կգա, ոմանց էլ ոչ: Հայրենիքը մեր կողքին է»:

Պետք է նշել, որ թուրքական աղբյուրներում Հայկական լեռնաշխարհի Տավրոսի լեռները հիշատակվում են որպես «Թորոսի լեռներ» (Toros Dağları):

Հիշեցնենք, որ թուրքական զորքերը Կիպրոս են ներխուժել 1974 թվականին և զավթել կղզու հյուսիսային մասը: Իսկ 1983թ. նոյեմբերի 15-ին թուրքական կողմը հռչակել է Հյուսիսային Կիպրոսի Թուրքական Հանրապետության անկախությունը: Որպես անկախ պետություն Հյուսիսային Կիպրոսի Թուրքական Հանրապետությունը ճանաչված է միայն Թուրքիայի կողմից: Միջազգային հանրությունը համարում է, որ ՀԿԹՀ-ն Կիպրոսի Հանրապետության օկուպացված տարածքն է։

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։