9 կուսակցություն «Խոսենք քրդերեն» արշավ են սկսել Թուրքիայում

Քաղաքական07:56, 30 Հոկտեմբեր 2018

9 կուսակցություն «Խոսենք քրդերեն» արշավ են սկսել Թուրքիայում

Թուրքիայի քրդամետ «Ժողովուրդների դեմոկրատական կուսակցության» (HDP) և քրդական 8 կուսակցություն սկսել են «Խոսենք քրդերեն» արշավը: Քաղաքական այդ ուժերը պայմանավորվել են ստեղծել ընդհանուր հարթակ, որը կնպաստի դպրոցներում քրդերենի ուսուցմանը և զարգացմանը։

Պայմանավորվածությունը ձեռք է բերվել Թուրքիայի Դիարբեքիր քաղաքում տեղի ունեցած միջոցառման ժամանակ, որին մասնակցել են քրդական քաղաքական և հասարակական կառույցների ներկայացոուցիչներ։

Համատեղ հայտարարության մեջ ասվում է, որ այս նախաձեռնության գլխավոր նպատակը Թուրքիայի իշխանությունների կողմից արդեն 100 տարի իրականացվող ձուլման, ռասիստական քաղաքականության դեմ պայքարելն է։ Կոչ է արվել ամենուր՝ փողոցում և տրանսպորտում, տանը և հիվանդանոցում խոսել քրդերեն:

«Այսօր հավաքվել ենք այստեղ, որպեսզի միասին կարողանանք պատասխան գտնել այն հարցին, թե ինչպե՞ս բուժել այն խորը արնահոսող վերքը, որը կարող ենք անվանել այսպես. «Այսօր մեր լեզուն, իսկ վաղը մեր ազգը կոչնչանա»։

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։